Jirimiạ 44:23 - সান্তালী বাইবেল

²³ Ape do dhuppe jeretʼ akada ar Probhu Isor upạrtepe kại akada; uniyakʼ kathape bemanot akada ar uniyakʼ ạnko, niạmko ar kathako bape ańjomaletʼtaea; ona iạte niạ muhin do apere hecʼ paṛao akana. Ar ona dope ńeletʼ kangea.”

Jirimiạ 44:23 Referans Kwoze

1 Rapajko 9:9

Unre hoṛkoko roṛ ruạṛa, ‘noa reakʼ karon do hoyokʼkana, okoe do Misor disạm khone oḍok ạguletʼko onko hapṛamkoren Probhu Isor do onkoe bạgi giḍi akatʼkoa. Onko do debota secʼko ghańjeṛ akana ar onkoko sewawako kana. Ar onatege Probhu Isor do onko cetanre noa bạṛicʼakʼe paṛao ocoakada.’ ”

Sereńko 119:150

Okoe bạṛicʼakʼko kạmikan onko doko hecʼ sorakana; onko do amakʼ hukum khon sạṅgińreko tahenkana.

Nehemiạ 13:18

Aperen hapṛamko do cetʼ nonkage bako kạmileda, ona iạte aboren Isor do abo cetanre, niạ nagraha cetanre bạṛicʼakʼ bae hoyocoakada? Ńitokʼ ape do jirạukʼ mãhã bape sonotetʼte Isor do Israelko cetanre arhõpe bekusi ocoyede kana.”

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

1 Korinthiko 10:20

Ona do baṅ, bickom ińiń meneda, boṅgan hoṛ okako samaṅetʼkan ona do Isor lạgitʼ do baṅkana, ona do bạṛicʼ jiuko ṭhengeko onkayeda. Ar bạṛicʼ jiuko tulucʼ apepe gatekʼ do bạń khojkana.

Rak̕joṅ 1:8

Jerusalem do ạḍiye ghạṭ akada, onate uni doe bhonḍ akana. Okoe uniko manotede tahẽkan onko jotoge uniko nihạ̃t giḍi akadea, ente onko do uniyakʼ lajaoakʼko ńel akatʼtaea; uni doe kuhrạueda ar mẽtʼãhãe betʼetʼtaea.

Jirimiạ 44:21

“Jihudạ reakʼ atoko ar nagrahakore ar Jerusalem reakʼ ḍaharkore ape ar aperen hapṛamko, aperen rapajko, rajkạmiyạko ar disạmren eṭakʼ hoṛko okoe do dhupko jeretʼetʼ tahẽkan ona do cetʼ Probhu Isorakʼ disạ do bạnukʼtaea ar ona reaṅ uni do cetʼ bae dạndikʼ kana?

Jirimiạ 44:18

Menkhan tin khon sermaren rạni ńutumte dhup jered ar coḍorle bạgikeda, un khon ale do reṅgejokʼle ehopʼena ar lạṛhạite, akaltele marao idikʼ kana.”

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 40:3

Ar Probhu Isor do ńitokʼ onageye onka akada. Noako do hoyakana, ape do Probhu Isor upạrtepe kại akada ar uniyakʼ aṛaṅ hõ bape ańjomletʼtaea.

Sereńko 119:155

Bạṛicʼ hoṛko khon bańcao do ḍher sạṅgińgea, ente onko do amakʼ ạn ạri secʼ bako moneyakʼ kana.

Sereńko 78:56

Menkhan enrehõ onko do maraṅ Isorko biḍạukedea ar uni upạrteko hulkeda; ar uniyakʼ hukum do bako manaoleda.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Sereńko 78:10

Onko do Isorakʼ bondobos bako manaoleda, ar uniyakʼ ạn ạriko leka calakʼ hõ bako aṅgocleda.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Jirimiạ 26:4

Am do noa katham jạhirakoa, Probhu Isore meneda, ‘unạkʼ din ińakʼ katha do bape ańjomleda ar ape samaṅre okaṭakʼ ạn-ạriń dohoakatʼ ona hõ bape manao akada;

Jirimiạ 44:2

“Israelren phạdkoren Probhu Isorgeń menetʼkana, iń do Jerusalem ar Jihudạ reakʼ sanam atoko ar nagrahako cetanre oka muhin iń ạguletʼ ona dope ńelakatʼgea. Onako do teheń dhaṅdhaser akange menakʼa; onḍe do celehõ bako girobasokʼ kana.

Jirimiạ 44:3

Ona do iń khĩs ocoyiń lạgitʼ dusṭạmi kạmiko kạmiakada, onko do senkate dhupko jeretʼkeda ar eṭakʼ isorko sewawatʼkoa, one okoe do bako baḍaeakatʼko ar ape hõ baṅ ar aperen hapṛamko hõ bako baḍaeletʼko.

Jirimiạ 44:10

Teheń hạbicʼ hõ apeakʼ ontor do dukte bape rạputʼletʼtapea se ińhõ bape botoradińa; ar aperen hapṛamko ṭhen okaṭakʼ niạmkoń ematʼko tahẽkan ona hõ bape manaoakada.

2 Rapajko 17:15

Onko do uniyakʼ joto niạm, onkoren hapṛamko lạgitʼ bandhaoakʼ uniyakʼ bondobos ar onko ṭhen uniyakʼ emakʼ sontor katha do bako aṅgocleda. Onko do ạuṛiyakʼren boṅgako sewawatʼkote ako hõko ạuṛiyakʼena. Probhu Isor do Israelko okoeko leka calakʼe baronletʼko onkage onko do beṛhaeten jạtrenko lekako kạmikan tahẽkana.

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.