Biblia Todo Logo
Bib sou entènèt

- Piblisite -




Jirimiạ 44:22 - সান্তালী বাইবেল

22 Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Gade chapit la Kopi




Jirimiạ 44:22
40 Referans Kwoze  

Iń do Jerusalem ar Jihudạ reakʼ nagrahako ar onaren rapajko ar rajkạmiyạkoń ńũ ocoketʼkoa, jemon teheń cetʼ leka menakʼko onkage jarkharakʼ, ujạṛakʼ, cigạri ar sarapan hoṛko hoyokʼ.


Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”


Jihudạren sarecʼ hoṛko okoe do Misorte senkate upriạ hoṛko leka girobasokʼ lạgitʼko goṭa akatʼ onko upạrte nonka bebostań hataoa onko jotoge Misorreko marao utạrokʼa. Onko do lạṛhạite ar baṅkhan akalteko gujukʼa. Ar landa dhutʼako jạtrenko hoyokʼa; onkoakʼ dosa ńelte hoṛko botorokʼa, ar onkoakʼ ńutumko sarapakʼa.


Uni do dhạcri kul leka acʼakʼ ṭhạ̃i bạgikateye oḍok hijukʼa; onate sasantaokoakʼ raṅgao iạte ar Probhu Isorakʼ jolokʼkan edre iạte onkoakʼ disạm do jarkhar cabakʼa.


Niạ disạm do jarkhar ar potit jumige hoyokʼa ar noko jạtrenko do eaegel bochor hạbicʼ Babel rajren golam akanko tahena.


Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.


Am do jãhãn jut so bocʼ hõ bam kiriń akawạdińa; ar janwar samaṅokʼakʼ itilte bam kusi ocoakadińạ. Ona bodolte am do amakʼ kại reakʼ bojham ladeakawadińa ar amakʼ sanam behokakʼtem laṅga ocokedeńạ.


Menkhan Jesaeae menkeda, “Dạud bõsren hoṛko, ańjompe. Manwawakʼ sombhuri biḍạu aṭkar do cetʼ baṅ ḍhera? Ape do cetʼ ińren Isorakʼ sombhuripe biḍạutaea?


Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko upạrte acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente onko hoṛkoakʼ kuṛại do moron tahẽkana.


“Binḍạte perecʼ bhạri sagaṛte jãhãnakʼ ten len khan cetʼleka chakachunokʼ onkage ape hõ ńitokʼ doń chaka chunpea.


Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.


“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.


Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.


“Israelren phạdkoren Probhu Isorgeń menetʼkana, iń do Jerusalem ar Jihudạ reakʼ sanam atoko ar nagrahako cetanre oka muhin iń ạguletʼ ona dope ńelakatʼgea. Onako do teheń dhaṅdhaser akange menakʼa; onḍe do celehõ bako girobasokʼ kana.


Ente okaṭakʼ katha iń do aema dhao ińren golamko, metakʼme nạbiko hotete onko ṭheniń jạhirletʼ onko do ona bako ańjomletʼtińạ.


Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”


Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.


Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.


Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.


ente noa ṭhạ̃i ḍahao marao lạgitʼge ạliń doliń sapṛao akana. Ente noa ṭhạ̃iren hoṛkoakʼ rakʼ do Probhu Isor ṭhen seṭer akana, ar ạliń do ona ḍahao marao lạgitʼ liń kol ocoakana.


Noa ńelte Probhu Isor doe menkeda, “Ińren Jiu do jaejug hạbicʼ manwa bae cehaokoa, ente onko do gujukʼ taberen kanako. Iń do mitʼsae bargel bochor hạbicʼ somoe iń emakoa.”


E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.


‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.


Ona iạte okoe do ińren hoṛko gupiyetʼko onko gukʼpiko upạrte Israelren Probhu Isor doe meneda, “Ape do ińakʼ palren bhiḍikope chirchạtur akatʼkoa arpe laga ńir akatʼkoa, onko do bape joton akatʼkoa; onate iń do apeakʼ behok iạteń sạjạipea.


Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.


Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.


Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”


Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’


Moab do phạ̃kṛạ̃kʼ emaepe jemone uḍạu sen daṛeakʼ; uniyakʼ nagrahako do ujạṛokʼtaea, onḍe do celege bako berelokʼa.”


Ar jạt jạtrenko doko baḍae daṛeakʼa, Israelko do akoakʼ kại iạte bondi dosateko senlena mente, ente onko do ińre bepạtiạuko tahẽkana. Ona iạte ińakʼ mẽtʼãhã do onko khoniń betʼ esetʼ akatʼ tahẽkana ar bạirikoakʼ tireń soprotletʼkoa; ar onko do jotoge lạṛhạireko gocʼlena.


Onko do uniyakʼ joto niạm, onkoren hapṛamko lạgitʼ bandhaoakʼ uniyakʼ bondobos ar onko ṭhen uniyakʼ emakʼ sontor katha do bako aṅgocleda. Onko do ạuṛiyakʼren boṅgako sewawatʼkote ako hõko ạuṛiyakʼena. Probhu Isor do Israelko okoeko leka calakʼe baronletʼko onkage onko do beṛhaeten jạtrenko lekako kạmikan tahẽkana.


Iń Probhu Isorgeń kulikana, niạ iạte onko do cetʼ bạń sạjạikoa? Nonkan jạtrenko upạrte iń do cetʼ bạń hala hạliya?


Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.


Swiv nou:

Piblisite


Piblisite