Jirimiạ 44:19 - সান্তালী বাইবেল

¹⁹ Maejiuko do arhõko menkeda, “Ale do tinre sermaren rạni ńutumte dhuple jeretʼetʼ tahẽkana arle coḍoretʼ tahẽkana ar uni lekage piṭhạle benaoetʼ tahẽkana unre cetʼ aleren jãwãeko do ona katha bako baḍaekan tahẽkana?”

Jirimiạ 44:19 Referans Kwoze

Jirimiạ 7:18

Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.

Jirimiạ 44:15

Unre okoe hoṛko baḍaekan tahẽkan baṅma, akoren bạhuko do debotako ńutumte dhupko jeretʼeda ar onḍe jarwa akan sanam maejiuko, metakʼme Misor reakʼ Pathros ṭoṭhare girobasokʼ kan maejiuko do Jirimiạko metadea,

2 Bõsbudạ 21:6

Ar Ahabakʼ bõsren hoṛko lekage uni do Israelren rajkoakʼ horteye calakʼkan tahẽkana, ente uni do Ahabren mitʼṭen hoponerae baplaledea. Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

Kạhtukko 11:21

Khạṭigepe baḍaea bedhorom hoṛko do sạjạiko ńamgea, menkhan dhorom hoṛ doko bańcaokʼa.

Jirimiạ 44:20

Jirimiạ do sanam hoṛko, metakʼme herel hoṛko ar maejiukoe metatʼkoa

Numeri 30:8

Menkhan ona katha ańjomkate uniren jãwãetetʼ uniye barone enḍekhan uniyakʼ ona manot akatʼakʼ se begor hudisteye gokʼ akatʼ ona do mạutạkʼtaea ar Probhu Isor hõ uniyakʼ manotakʼ se gokʼakʼ rạputʼ iạteye ikạyea.

Numeri 30:12

Menkhan acʼren jãwãetetʼ ona katha ańjomkate onae mạutạ ocoye menetʼkhan uniyakʼ ona manotteakʼ se gokʼakʼ do mạutạkʼtaea. Ar uniren jãwãetetʼe baron akadete Probhu Isor hõ uniyakʼ manotteakʼ se gokʼakʼ rạputʼ iạteye ikạyea.