Jirimiạ 44:17 - সান্তালী বাইবেল

¹⁷ Ale okale roṛakatʼ ona do khạṭigele kạmiya. Cetʼ leka aleren hapṛamko, rapajko ar rajkạmiyạko do Jihudạ nagrahakore ar Jerusalem reakʼ ḍaharkore sermaren rạni ńutumte dhupko jeretʼetʼ tahẽkan arko coḍoretʼ tahẽkan onkage ale hõle kạmiya. Ona jokhecʼ aleakʼ do aḍhela jomakʼ tahẽkana ar ale hõ ạḍi bhagele tahẽkana ar jãhãn kosṭoge bale ńamleda.

Jirimiạ 44:17 Referans Kwoze

Jirimiạ 7:18

Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.

Nehemiạ 9:34

Aleren rapajko, mukhiyạko, naekeko ar aleren hapṛamko do amakʼ ạn-ạri bako manao akada; amakʼ hukum se sontor katha hõ bako ańjomleda.

Jeheskel 20:8

“ ‘Menkhan onko do iń upạrteko hulkeda, ińakʼ katha ańjom do bako rạjilena. Okoe hirkhạwan boṅga murhutʼko bhageko hudisetʼko tahẽkan onko do bako sạṅgiń giḍiletʼkoa ar Misorren boṅga muṭhạnko hõ bako bạgiyatʼkoa. Onatege ińiń menkeda Misorre onko cetanre ińakʼ edre ar khĩs do onkoreń dula.

Dosar Biboron 23:23

Mocate okaṭakʼ manotakʼ reakʼ kathape roṛ ona do purạutege hoyokʼtapea, ente amakʼ mocatege Probhu Isor samaṅre manotakʼ reakʼem roṛ akada.

Exodus 16:3

Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Jirimiạ 44:25

Phạdkoren Probhu Isor do noa kathae meneda, ‘apepe menleda, sermaren rạni ńutumte dhup jered ar coḍor reakʼ okale kiriạ akan ona do khạṭigele onkaea. Apeakʼ ona kiriạ lekate ape ar aperen bạhukoakʼ kạmi hotete ona dope udukʼ akada.’ “Onate okaṭakʼpe kiriạ akan ona baṛe onkaepe. Apeakʼ kiriạwakʼko purạutape.

Jirimiạ 44:21

“Jihudạ reakʼ atoko ar nagrahakore ar Jerusalem reakʼ ḍaharkore ape ar aperen hapṛamko, aperen rapajko, rajkạmiyạko ar disạmren eṭakʼ hoṛko okoe do dhupko jeretʼetʼ tahẽkan ona do cetʼ Probhu Isorakʼ disạ do bạnukʼtaea ar ona reaṅ uni do cetʼ bae dạndikʼ kana?

Jirimiạ 19:13

Jerusalem reakʼ oṛakʼ-duạr ar Jihudạ reakʼ rapajkoakʼ oṛakʼ-duạr, metakʼme okako oṛakʼ-duạr reakʼ chat cetanre siń cando, ńindạ cando ar ipilko ńutumte dhupko jeretʼetʼ tahẽkan ar debotako ńutumte coḍorakʼ samaṅokʼakʼko samaṅetʼ tahẽkan onako oṛakʼ-duạr do Tophet lekań bhonḍ ocoya.”

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

Bikʼcạrko 11:36

Kuṛiye roṛ ruạṛkeda, “E baba, amakʼ mocatege Probhu Isor ṭhenem roṛ kại akatʼte amakʼ katha lekage ińre baṛe kạmime. Ente Probhu Isor do amren bạiri Amonrenko cetanre halae reakʼe emakatʼmea.”

Numeri 30:12

Menkhan acʼren jãwãetetʼ ona katha ańjomkate onae mạutạ ocoye menetʼkhan uniyakʼ ona manotteakʼ se gokʼakʼ do mạutạkʼtaea. Ar uniren jãwãetetʼe baron akadete Probhu Isor hõ uniyakʼ manotteakʼ se gokʼakʼ rạputʼ iạteye ikạyea.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

Mark 6:26

Noa katha ańjomkate Herod do ạḍiye bhabnayena, menkhan bhojre neota akanko samaṅreye kiriạlente kuṛi ruạṛkae do bae menwana.

Jirimiạ 44:9

Jihudạ disạm ar Jerusalem reakʼ ḍaharkore aperen hapṛamkoakʼ, Jihudạren rapajko ar rạnikoakʼ, ape ar aperen bạhukoakʼ dusṭạmi reakʼ katha do cetʼpe hiṛińkeda?

Jesaea 48:5

Ona iạte sedaerege iń do niạkoń lạileda ar ona hoyokʼ laharege ape ṭheniń lại jạhirleda, jemon bape mendaṛeakʼ, ‘aleren goṛhon muṭhạnko, aleren murhutʼko ar chãchre dul muṭhạnkoge niạ doko hukumakada.’

Sereńko 106:6

Aleren hapṛamko leka ale hõle kại akada; ale dole behok akada, ar kạirele taṛameda.

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

2 Bõsbudạ 28:23

Uni do Damesekren debotakoko bhagaoledete onko lạgitʼ dãṛẽkoe samaṅketʼkoa. Uni doe hudiskeda, “Aram rajren debotako do onkoko goṛowako kana, onate iń hõ goṛo ńam lạgitʼ onko debotako ṭhen janwariń dãṛẽkoa.” Menkhan onko debotageko hoyokʼkana uniyakʼ ar goṭa Israelre sorbonas hoyokʼ reakʼ karon do.

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 11:12

Tinre muhin hijukʼa unre Jihudạ ar Jerusalemren hoṛ do senkate onko debota ṭhenko raga one okoe samaṅre dhupko jeretʼetʼ tahẽkan, menkhan onko do bako rukhiyạ daṛeakʼa.

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

Jeheskel 20:32

“ ‘Ape dope menetʼ kana, dhạrtiren eṭakʼ jạtren hoṛko lekape hoyokʼa okoe do kaṭ ar dhiri reakʼko pujạwakʼkan. Menkhan apeakʼ monre oka menakʼ ona do tishõ baṅ hoyokʼa.

Jeheskel 23:41

Ona tayom unkin do mońj aṭetʼre duṛupʼkate ona samaṅre mitʼṭecʼ ṭebil ạgukate ona cetanre ińakʼ dhup ar sunumgekin dohokeda.

Habakkuk 1:16

Onko do akoakʼ jhạli ńutumte janwar dãṛẽko samaṅetʼkoa ar or jhạli ńutumte dhupko jeretʼeda, ente jhạli iạtege onko do ḍherko laba ar bhage bhage jomakʼko joma.

Jirimiạ 7:17

Am do cetʼ bam ńeńelkana Jihudạ reakʼ nagrahakore ar Jerusalem reakʼ kulhikore onko do cetʼko ceka kana mente?