Jirimiạ 44:13 - সান্তালী বাইবেল

¹³ Iń do cetʼleka Jerusalem iń sạjại akadea, ar okoe Misorreko girobasokʼ kan onko hõ onkage lạṛhại, akal ar mahamạriteń sạjạikoa.

Jirimiạ 44:13 Referans Kwoze

Jirimiạ 43:11

Uni do hecʼkate Misor cetanre jhãpe ema ar okoe gujukʼ lạgitʼko ṭhik dohoakan onko doko gujukʼa, ar okoe bondi idikʼ lạgitʼko ṭhik dohoakan onko doko bondi idiocokʼa ar okoe tarwaṛe lạgitʼko ṭhik dohoakan onko do lạṛhạiteko gujukʼa.

Jirimiạ 11:22

Iń phạdkoren Probhu Isorgeń meneda, iń do onkoń sạjạikoa. Onkoren juạnko do lạṛhạire ar onkoren gidrạko do akalteko gujukʼa.

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 24:10

Ar onkoren hapṛamko okaṭakʼ disạmiń emakawatʼko ona disạmre tin hạbicʼ bako marao utạrokʼ un hạbicʼ onko talare lạṛhại, mahamạri ar akal iń kola.”

Jirimiạ 21:9

Jãhãege niạ nagrahareye tahen uni do tarwaṛe, akal ar mahamạriteye gujukʼa; menkhan jãhãege bahrete oḍok senkate acʼren khekedkoakʼ tire apnartetʼe jimạkʼ uni doe bańcaokʼa; ar acʼakʼ jiwiye bańcaotaea.

Jirimiạ 42:16

enḍekhan okaṭakʼ lạṛhạipe botorakʼ kan ona do ape tayomtege Misorteye pańja idipea ar ape do onḍegepe gujukʼa.

Jirimiạ 42:17

Noa katha do sạrikana, okoe Misorte senkate girobasokʼ lạgitʼpe goṭa akatʼ onḍe ape do jotoge lạṛhạite, akalte, mahamạritepe gujukʼa; ar oka muhin onko cetanreń paṛao ocoy ona khon onkoren mitʼṭen hoṛ hõ jiwetʼ do bako tahena ar bako paskao daṛeakʼa.’

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jirimiạ 42:15

enḍekhan Jihudạren sarecʼko Probhu Isorakʼ katha ańjompe. Israelren phạdkoren Probhu Isore meneda, ‘Misorte calakʼpe ṭhik dohoakatʼ khan ar onḍege girobasokʼpe menetʼ khan,

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.