Jirimiạ 44:10 - সান্তালী বাইবেল

¹⁰ Teheń hạbicʼ hõ apeakʼ ontor do dukte bape rạputʼletʼtapea se ińhõ bape botoradińa; ar aperen hapṛamko ṭhen okaṭakʼ niạmkoń ematʼko tahẽkan ona hõ bape manaoakada.

Jirimiạ 44:10 Referans Kwoze

Kạhtukko 28:14

Okoe hoṛ behok lạgitʼ jao okteye botorokʼkan uni doe bhạgangea, menkhan okoe acʼakʼ ontorre keṭejtae ar behok lạgitʼ bae botorokʼ kan uni do muhinreye paṛaokʼa.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Romiko lạgitʼ Pạul Apostolakʼ ciṭhi 11:20

Bhagegea. Menkhan onkoko rạputʼ giḍi ocoakana onkoakʼ bepạtiạu iạte ar am dom kolom mitʼ akana amakʼ pạtiạu iạte. Onate alom usul monokʼa bickom botorokʼme,

Luk 23:40

Unre eṭagicʼ doe menkeda, “Am do cetʼ Isor bam botoraekana? Am hõ coṅ onkan sạjạigem ńametʼkan.

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Jirimiạ 36:24

Ar onko do okoehõ bako toraslena raj hõ baṅ ar uniren golamko modren tinạkʼko ańjomketʼ onko hõ baṅ. Ar akoakʼ kicricʼko hõ bako oṛecʼletʼtakoa.

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 14:16

Ạkilan hoṛ doe sontorokʼa ar bạṛicʼ khone sahaṛokʼa, menkhan bebuj hoṛ do acʼ cetanre pạtiạue dohoya ar bae sontorokʼa.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Sereńko 51:17

Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.

Sereńko 34:18

Okoeyakʼ mon rạputʼ akantako Probhu Isor do onko ṭhengeye tahena; okoeyakʼ ontor talga tạwạkʼ akan onko doe bańcaokoa.

2 Bõsbudạ 34:27

‘niạ jaega ar onaren hoṛko upạrte okań menakatʼ ona ańjomkate amakʼ mon do kastao akantama ar iń samaṅrem nindhạn akana ar amakʼ kicricʼ oṛecʼkateyem rakʼ homor akada. Ar noakom nonka akatʼte iń Probhu Isor do amakʼ koejoṅiń ańjom akada.

2 Bõsbudạ 33:19

Uniyakʼ koejoṅ reakʼ katha, ar uniyakʼ nehõr joṅte Isorakʼ daya reakʼ katha, uniyakʼ sanam kại ar bepạtiạr reakʼ katha, Isor samaṅre ạuri nindhạnokʼre than boṭkocʼkoe benao ocoletʼ ar Asera muṭhạn ar lakʼ rokʼ akatʼko murtiko reakʼ joto katha do ńeńelkoakʼ puthire olakana.

2 Bõsbudạ 33:12

Ar Manase do muhinreye paṛaoen khan uni do acʼren Probhu Isor ṭhen dayae khojkeda ar acʼren hapṛamkoren Isor samaṅreye nindhạnena.

2 Bõsbudạ 32:26

Unre Hiskiạ do acʼakʼ mon reakʼ bạḍạitetʼe bujhạuketʼ khan uni doe nindhạnena ar uni sãote Jerusalemren hoṛko hõ. Ona iạte Hiskiạ oktere Probhu Isorakʼ edre do onkore baṅ hecʼ paṛaolena.

1 Rapajko 21:29

“Ńeleme Ahab do iń samaṅre cetʼ lekae nindhạn akana! Uniye nindhạn akante uniyakʼ jionre niạ muhin do bạń ạguiya, menkhan uniren hoponakʼ jionre ar uniyakʼ bõsko cetanreń paṛao ocoya.”

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Exodus 9:30

Menkhan ińiń baḍaea, am ar amren kạmiyạko do Probhu Isor ńitʼ hõ bape botorae kana.”

Exodus 9:17

Am do ńitʼ hõ ińren hoṛko upạrtem teṅgo akana ar bam sen ocoako kana.

Sereńko 78:10

Onko do Isorakʼ bondobos bako manaoleda, ar uniyakʼ ạn ạriko leka calakʼ hõ bako aṅgocleda.

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jirimiạ 26:4

Am do noa katham jạhirakoa, Probhu Isore meneda, ‘unạkʼ din ińakʼ katha do bape ańjomleda ar ape samaṅre okaṭakʼ ạn-ạriń dohoakatʼ ona hõ bape manao akada;

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.

Jirimiạ 44:23

Ape do dhuppe jeretʼ akada ar Probhu Isor upạrtepe kại akada; uniyakʼ kathape bemanot akada ar uniyakʼ ạnko, niạmko ar kathako bape ańjomaletʼtaea; ona iạte niạ muhin do apere hecʼ paṛao akana. Ar ona dope ńeletʼ kangea.”

Jesaea 42:24

Jakob do luṭe lạgitʼ okoeye soprot akadea? Ar Israel do luluṭkoakʼ tire okoeye jimạ akadea? Unige cetʼ Probhu Isor doe baṅkana, one uni upạrte bon kại akatʼ? Unkin do uniyakʼ horte calakʼ bạkin khojleda, ar uniyakʼ hukum hõ bạkin manaoleda.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.