Jirimiạ 44:1 - সান্তালী বাইবেল

¹ Misor disạmre okoe Jihudiko do Migdolre, Tahpanhesre, Naphre ar Pathros ṭoṭhareko girobasokʼ kan tahẽkan onko reaṅ Probhu Isorakʼ noa katha do Jirimiạ ṭhen hecʼena.

Jirimiạ 44:1 Referans Kwoze

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Exodus 14:2

“Israelkom metakoa jemonko ạcur calakʼte jalapuri ar Migdol tala reakʼ Pi-Hakirot ńutumanakʼ jaega ṭhenko ḍerakʼ. Ona jaega do jalapuri aṛe reakʼ Bakʼ al Sephon mohnḍa muhnḍirege menakʼa.

Jesaea 19:13

Soanren cetan hudạren kạmiyạko do bebuj lekako hoyakana, ar Memphisren mukhiyạko doko ạnḍicʼakana; ar Misorren khũṭkoren mathako do bạṛicʼ horteko sen akana.

Jeheskel 30:18

Iń do tinre Misor reakʼ arãṛiń rạputʼ giḍikakʼa unre Tahpanhesre siń do ńutokʼa; onḍe uniyakʼ daṛe reakʼ bạḍạitetʼ hõ cabakʼtaea. Uni do rimilteye danaṅ esedokʼa ar uniyakʼ atoren hoṛko do bondikateko idi ocokʼa.

Jeheskel 30:16

Misorre do seṅgeliń lagaoakʼa; ar Pelusium nagraha do hasote eṛseń toṛseńokʼa. Thebes nagraha cetanre ackage muhin hijukʼa; ar ona do banbạsite unumokʼa.

Jeheskel 30:14

Ar Pathros do ujạṛakʼ iń hoeocoya, ar Soanre do seṅgeliń salgaoa ar Thebes nagraha doń sạjạiyea.

Jeheskel 29:14

Iń do lahate leka onkoakʼ dosań ruạṛkatakoa ar onkoren hapṛamkoakʼ disạm Pathrosteń ạgu ruạṛkoa. Onḍe onkoakʼ rajosṭi do nijorakʼ hoyokʼtakoa.

Jirimiạ 46:19

E Misorrenko, sạṅgińte bondi idiocokʼ lạgitʼ apeakʼ jinisko sapṛaotape, ente Naph do ujạṛakʼ ar dhaṅ dhaserakʼge hoyokʼa.

Jirimiạ 2:16

Ona chaḍa Noph ar Tahaphones nagraharen hoṛko hõ am akʼ bohokʼ khạpriko posakʼ akatʼtama.

Jeheskel 29:10

Ona iạte am ar amakʼ gaḍa reakʼ sanam dakʼko upạrte minạńạ. Iń do Migdol khon Seyene, metakʼme Kus reakʼ Simạna hạbicʼ Misor disạm do ujạṛakʼ ṭhạ̃igeń hoeocoya.

Jirimiạ 24:8

“Menkhan noa bạṛicʼ loa, okaṭakʼ do ạḍi bạṛicʼge, one oka baṅ jomogokʼ, onako leka Jihudạren raj Sedekiạ, uniren kạmiyạko ar Jerusalemren okoeko hoṛ do disạmre menakʼko ar Misorre okoeko tahenkan onko sãote do bạṛicʼ iń beohara.

Jirimiạ 43:13

Uni do Misor disomre menakʼ Heliopolis reakʼ boṅga khunṭikoe rạpuda ar Misorren debotakoakʼ mundilkoe jeretʼ giḍikakʼa.’ ”

Jeheskel 30:13

“ ‘Iń do Memphisren boṅga muṭhạnkoń marao utạrkoa, ar uniren murhutʼkoń cabakoa. Misorre do cele disạm cakʼlaokoge bako tahena ar disạm reakʼ sanam ṭhạ̃irege iń do botoriń paṛao ocoya.

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Jirimiạ 44:15

Unre okoe hoṛko baḍaekan tahẽkan baṅma, akoren bạhuko do debotako ńutumte dhupko jeretʼeda ar onḍe jarwa akan sanam maejiuko, metakʼme Misor reakʼ Pathros ṭoṭhare girobasokʼ kan maejiuko do Jirimiạko metadea,