Jirimiạ 43:1 - সান্তালী বাইবেল

^1-2 Probhu Isor do Jirimiạ okako katha hoṛko ṭhen lại jạhir lạgitʼe kollede ar tinre onako kathae lại mucạtʼkeda unre Hosaya hopon Asaria, Karea hopon Johanan ar sanam bạḍạiyan hoṛko do Jirimiạko metadea, “Am do eṛe katham roṛeda. ‘Misorte upriạ tahen lạgitʼ do alope calakʼa’ niạ katha roṛ lạgitʼ aleren Probhu Isor do bae kol akatʼmea.

Jirimiạ 43:1 Referans Kwoze

Jirimiạ 26:8

Menkhan Probhu Isorakʼ hukum leka Jirimiạ do sanamakʼe lại sạtketʼ khan naekeko, nạbiko ar sanam hoṛko do uni sapʼkedeteko metadea, “Am do gujukʼtege hoyokʼtama.

Jirimiạ 51:63

Niạ puthi paṛhao sạtkate onare mitʼṭecʼ dhiri tolkate phurạt gaḍare giḍiyme.

Jirimiạ 42:22

Onate ńitokʼ baḍaekakʼpe, okaṭakʼ ṭhạ̃ite senkate girobasokʼpe menetʼkan onḍe do lạṛhạite, akalte ar mahamaritepe gujukʼa.”

Aposkạmi 20:27

ente Isor okae khojkan ona baḍae ocope do tishõ bạń pạc akana.

Aposkạmi 5:20

“Do calakʼpe, ar mundilre teṅgokate disạm hoṛko ṭhen jaejug jion reakʼ katha lại jạhirpe.”

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Jirimiạ 1:7

Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

1 Samuel 8:10

Ar okoeko raj reakʼko khojletʼ Samuel do Probhu Isorakʼ sanam katha onkoe baḍae ocoketʼkoa.

Exodus 24:3

Mose do ruạṛkate Probhu Isorakʼ katha tinre hoṛko ṭhene lạikeda ar uniyakʼ sanam ạnkoe sodorkeda unre hoṛko do mitʼ domteko menkeda, “Probhu Isor cetʼ cetʼkoe menakatʼ ale do ona jotole manaoa.”

Genesis 19:14

Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Jirimiạ 5:12

Onko do Probhu Isor reaṅ eṛeakʼgeko roṛeda. Onko doko meneda, “Uni do cetatgeye baṅkana. Aboakʼ jãhãn loksan do baṅ hoyokʼ tabona; abo do tishõ lạṛhại ar akal do babon ńela.

Jirimiạ 42:21

Iń do teheń apeń metatʼpea menkhan okako babotre roṛ lạgitʼ aperen Probhu Isor do ape ṭhene kol akadiń ona do ńit hõ bape manao akada.