Jirimiạ 42:22 - সান্তালী বাইবেল

²² Onate ńitokʼ baḍaekakʼpe, okaṭakʼ ṭhạ̃ite senkate girobasokʼpe menetʼkan onḍe do lạṛhạite, akalte ar mahamaritepe gujukʼa.”

Jirimiạ 42:22 Referans Kwoze

Jirimiạ 42:17

Noa katha do sạrikana, okoe Misorte senkate girobasokʼ lạgitʼpe goṭa akatʼ onḍe ape do jotoge lạṛhạite, akalte, mahamạritepe gujukʼa; ar oka muhin onko cetanreń paṛao ocoy ona khon onkoren mitʼṭen hoṛ hõ jiwetʼ do bako tahena ar bako paskao daṛeakʼa.’

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Jeheskel 6:11

Ona tayom Probhu Isor do ińe metadińạ, “Am do ti thayoeme ar jaṅga do dhap dhapme ar menme, hae hae, Israel jạtrenkoakʼ sanam bạṛicʼakʼ ar hirkhạwakʼko ńutumte, ente onko do lạṛhạite, akalte ar mahamạriteko gujukʼa.

Jirimiạ 43:11

Uni do hecʼkate Misor cetanre jhãpe ema ar okoe gujukʼ lạgitʼko ṭhik dohoakan onko doko gujukʼa, ar okoe bondi idikʼ lạgitʼko ṭhik dohoakan onko doko bondi idiocokʼa ar okoe tarwaṛe lạgitʼko ṭhik dohoakan onko do lạṛhạiteko gujukʼa.

Jesaea 30:3

Menkhan Pharaoakʼ asray doe lajao ocoyetʼkoa ar Misor reakʼ umul doe bemanotkoa.

Jirimiạ 44:12

Jihudạren sarecʼ hoṛko okoe do Misorte senkate upriạ hoṛko leka girobasokʼ lạgitʼko goṭa akatʼ onko upạrte nonka bebostań hataoa onko jotoge Misorreko marao utạrokʼa. Onko do lạṛhạite ar baṅkhan akalteko gujukʼa. Ar landa dhutʼako jạtrenko hoyokʼa; onkoakʼ dosa ńelte hoṛko botorokʼa, ar onkoakʼ ńutumko sarapakʼa.

Jeheskel 33:27

“Am do onkom metakoa, iń Probhu Isorge iń ńutumte kiriạkateń menetʼkana, okoe ona dhaṅ dhaser akan ṭhạ̃ire menakʼko onko doko gocʼ ocokʼa, ar okoe ṭạnḍire menakʼko onko do bir janwar ṭhen jom ocokʼ lạgitʼ iń emakoa ar okoe gaṛ ar danderre menakʼko onko do mahamạriteko gujukʼa.

Jirimiạ 24:10

Ar onkoren hapṛamko okaṭakʼ disạmiń emakawatʼko ona disạmre tin hạbicʼ bako marao utạrokʼ un hạbicʼ onko talare lạṛhại, mahamạri ar akal iń kola.”

Jeheskel 6:12

Okoe sạṅgińre menakʼko onko do mahamạriteko gujukʼa ar okoe sorre menakʼko onko do lạṛhạiteko gujukʼa, ar okoe sarecʼko tahena onko do gherao esetʼ akan talare akal iạteko gujukʼa.