Jirimiạ 42:21 - সান্তালী বাইবেল

²¹ Iń do teheń apeń metatʼpea menkhan okako babotre roṛ lạgitʼ aperen Probhu Isor do ape ṭhene kol akadiń ona do ńit hõ bape manao akada.

Jirimiạ 42:21 Referans Kwoze

Jeheskel 2:7

Ar huhul jạtren kanteko ińakʼ katha do ohoko ańjomlea, menkhan baṅ doko ańjom ar baṅ do bako ańjom am do ińakʼ katham lạiyakoa.

Aposkạmi 20:20

Apeakʼ okaṭakʼte porhoanakʼ hoyokʼ nonkan jãhãnakʼge ape baḍae ocope lạgitʼ do bạń pạclena, bickom bahrere sodorte apeakʼ oṛakʼreń cetʼakawatʼpea ariń porcar akada.

Jeheskel 3:17

“E manwa hopon, Israelko lạgitʼ pahradar iń benaoakatʼmea; onate iń okań metam ona ańjomme ar iń huyạte onkom sontorkoa.

Dosar Biboron 29:19

Ar noa kiriạ reakʼ kathako ańjom jokhecʼ okoe hoṛ do mone monete bhạganicʼ menteye hudisokʼ ar mone monteye men, apnarakʼ sana leka senlenre hõ nirạiteye tahena, enḍekhan ape sanamko cetanre uni do sorbonase paṛao ocoya.

Jirimiạ 43:1

Probhu Isor do Jirimiạ okako katha hoṛko ṭhen lại jạhir lạgitʼe kollede ar tinre onako kathae lại mucạtʼkeda unre Hosaya hopon Asaria, Karea hopon Johanan ar sanam bạḍạiyan hoṛko do Jirimiạko metadea, “Am do eṛe katham roṛeda. ‘Misorte upriạ tahen lạgitʼ do alope calakʼa’ niạ katha roṛ lạgitʼ aleren Probhu Isor do bae kol akatʼmea.

Jirimiạ 43:4

Nonkate Johanan ar lạṛhại phạdkoren sanam subedarko ar sanam hoṛko do Jihudạ disạmre tahen babotre Probhu Isorakʼ hukum bako bataoleda.

Dosar Biboron 30:15

“Ńelpe, teheń ape samaṅre okań sodoretʼ ona do Jion se bhạlại ar Gujukʼ se bin bhạlại reakʼ kangea.

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Jirimiạ 43:7

Nonkate onko do Probhu Isorakʼ bako bataoletʼte Misorteko boloyena ar Tahpanhes hạbicʼko senena.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Jeheskel 33:32

Noa katha do sạrikana je, onko ṭhen do cĩkạ̃ṛ aṛaṅte bajnako salakʼ dulạṛ reakʼem sereńetʼkan mitʼṭen hoṛ chaḍa cele hõm baṅkana; ente amakʼ katha doko ańjometʼgea, menkhan onka do bako kạmiya.