Jirimiạ 42:18 - সান্তালী বাইবেল

¹⁸ Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 42:18 Referans Kwoze

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Jirimiạ 18:16

Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.

Jirimiạ 44:12

Jihudạren sarecʼ hoṛko okoe do Misorte senkate upriạ hoṛko leka girobasokʼ lạgitʼko goṭa akatʼ onko upạrte nonka bebostań hataoa onko jotoge Misorreko marao utạrokʼa. Onko do lạṛhạite ar baṅkhan akalteko gujukʼa. Ar landa dhutʼako jạtrenko hoyokʼa; onkoakʼ dosa ńelte hoṛko botorokʼa, ar onkoakʼ ńutumko sarapakʼa.

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jirimiạ 22:27

Ar okaṭakʼ disạmte ruạṛ hijukʼpe khojkan onḍe do tishõ bape ruạṛ hecʼ daṛeakʼa.”

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Sakariạ 8:13

E Jihudạ ar Israel gharońjrenko, lahate jạt jạtren hoṛko do sarap lekate apeakʼ ńutumko ńumetʼ tahẽkana, menkhan ńitokʼ iń do apeń bańcaopea ar onko do apeakʼ ńutum bhor lekateko ńuma. Alope botorokʼa, bickom daṛeanko hoyokʼpe.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”

Daniel 9:11

Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.

Jeheskel 22:22

Culhạre cetʼ leka rupạ galaokʼ onkage ape hõ onarepe galaokʼa. Unre ape dope baḍae daṛeakʼa, iń Probhu Isorge ape cetanre ińakʼ edreń dul akada mente.’ ”

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Rak̕joṅ 2:4

Bạiri leka uni do acʼakʼ sare aṛakʼ akatʼtaea, acʼakʼ jojomti tulkateye teṅgoyena mitʼṭecʼ modoi leka. Okoe ńelte onkoko rạskạkʼkan tahẽkan onko doe gocʼ giḍi akatʼkoa. Sion hoponerawakʼ tạmbure seṅgel leka acʼakʼ edreye dul akatʼtaea.

Jirimiạ 29:22

Ar Babelre menakʼko Jihudạren sanam bondiko do hoṛko ạsisakore unkinakʼ kathako roṛa, ‘Probhu Isor do Sedekiạ ar Ahab lekae hoeocoy tạkinma, one Babelren raj do seṅgelte unkine atarletʼ kin,’

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

2 Bõsbudạ 34:25

Onko do ińko bạgi giḍi akadińạ ar debotako ńutumte dhupko jeretʼetʼ kana ar onkoakʼ titeko benao akatʼko sanam boṅga murhutʼkote ińko khĩs ocoyediń kana. Ona iạte niạ jaega cetanre ińakʼ edre doń paṛao ocoygea ar ińakʼ edre seṅgel do baṅge ĩṛĩjokʼa.

Numeri 5:27

Maejiu do bhonḍkate jãwãe cetanre bepạtiạre tahen enḍekhan uni do sarapakʼ ona dakʼe ńũiy tayom ạḍitetʼ lacʼ hasoyea. Uniyakʼ lacʼ do phulạukʼtaea ar ḍanḍa hõ borojokʼtaea ar uni do acʼ jạtrenko talare mitʼṭen sarapanicʼe hoyokʼa.

Jesaea 30:3

Menkhan Pharaoakʼ asray doe lajao ocoyetʼkoa ar Misor reakʼ umul doe bemanotkoa.

Jirimiạ 23:40

Ape do jaejug henosta ar lajaogeń ladeapea ar ona do baṅ hiṛińokʼa.”

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Jeheskel 20:34

Ińakʼ daṛeanakʼ ti tiyạrkate ar ińakʼ edre dul hotete aema jạtrenko tala khoniń ạgupea ar okako disạmrepe pasnao ocolen onḍe khon arhoń jarwapea.

Rak̕joṅ 2:6

Uni do bagwan reakʼ dare leka uniyakʼ tahen ṭhạ̃iye totʼ giḍiakatʼtaea; uniyakʼ niṭ akatʼ ńapamokʼ ṭhạ̃i hõe marao akatʼtaea. Sion do acʼakʼ sanam porob ar jirạukʼ mãhã reakʼ kathae hiṛiń ocoakadea; ar acʼakʼ edre reakʼ khĩste raj ar naekekoe nihạ̃t giḍi akatʼkoa.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.