Jirimiạ 42:16 - সান্তালী বাইবেল

¹⁶ enḍekhan okaṭakʼ lạṛhạipe botorakʼ kan ona do ape tayomtege Misorteye pańja idipea ar ape do onḍegepe gujukʼa.

Jirimiạ 42:16 Referans Kwoze

Jeheskel 11:8

Okaṭakʼ tarwaṛepe botorakʼ kan ona tarwaṛege ape upạrteń ạguiya.

Jirimiạ 44:27

Onkoakʼ bhạlại lạgitʼ do baṅ menkhan bạṛicʼ lạgitʼte onko cetanre kheyaliń dohoyeda; Misorreko girobasokʼ kan Jihudiko do lạṛhại ar akalteko marao utạrokʼa.

Johan 11:48

Ar nonkage bon aṛakʼ idiyae khan sanamkoge unireko pạtiạukʼa ar Romiko do hecʼkate aboakʼ mundil ar jạtko marao tabona.”

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jirimiạ 42:13

“Menkhan apepe men, ‘ale do disạmre bale tahena’ ar nonkate aperen Probhu Isorakʼ katha bape manao,

Kạhtukko 13:21

Bạṛicʼakʼ do kạiyanko tayomteye ńir hijukʼa, menkhan bhạlại do Isor botoraekoakʼ kuṛại kana.

Dosar Biboron 28:45

“Noako sarap do ape cetanrege paṛaokʼa. Ape do aperen Isor Probhu Isorakʼ bape bataoetʼtae iạte ar uni okako hukum ar niạme emakawatʼpe ona bape senakʼkante noako sarap doe khudạu baṛapea are sapʼ tiyokʼpea ar sesre ape dope marao utạrokʼa.

Dosar Biboron 28:22

Probhu Isor do raj rogte, ruạkote, jaljalaokʼ ruạte, ṭan paṅgla ruạte, dakʼ ṭan ar phosol copakʼ ar jhãorãkʼ rogkoteye ńẽtʼpea; ar ạuripe marao cabakʼ hạbicʼe khudạu baṛapea.

Dosar Biboron 28:15

“Menkhan aperen Probhu Isorakʼ katha bape ańjomtae ar teheńakʼ noako hukum ar niạmko joton salakʼ bape manao ar ganao, enḍekhan noako sarap do ape cetanrege paṛaokʼa ar ape sãorege tahena;

Jirimiạ 27:8

“Menkhan jãhãe jạtrenko se rajosṭi jodi Babel raj Nebukadnesar ren golam bako hoyokʼ se uniyakʼ arãṛ bako gog enḍekhan onko jạtrenko do lạṛhại, akal ar mahamạriteń sạjạikoa tin hạbicʼ onko jạtrenko uni tite bạń maraoko.

Jirimiạ 41:18

Onko do Babelrenko botorte Jihudạ khonko dạṛetʼkan tahẽkana, ente Ismael do Babel rajren bahalicʼ disạm cakʼlaoyicʼe gocʼledea.