Jirimiạ 41:7 - সান্তালী বাইবেল

⁷ Onko do nagrahateko boloyen são sãote Ismael ar uni soṅgeten hoṛ do onko hoṛko gocʼketʼkote mitʼṭecʼ kuńreko giḍikatʼkoa.

Jirimiạ 41:7 Referans Kwoze

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Romiko lạgitʼ Pạul Apostolakʼ ciṭhi 3:15

Khũn lạgitʼ jaṅga do usạrate lahakʼtakoa,

Kạhtukko 1:16

ente onkoakʼ jaṅga do kại secʼge ńir calakʼ kana, ar mãyãm joro ocoy lạgitʼko thare marekʼ kana.

2 Rapajko 15:25

Remaliạren hopon Peka ńutuman uniren mitʼṭen subedar do uni upạrteye soṛojontrokeda. Peka do Gileadren mõṛẽgel hoṛ soṅgekate Samariạ raj oṛakʼ gaṛre Pekahiạ, Orgob ar Oriyi tekoye gocʼketʼkoa. Pekahiạ gocʼkate Peka do uniyakʼ jaegare raje hoyena.

Jesaea 14:19

Menkhan am do giḍi akatʼ dare ḍạr leka topa khon bahretem giḍi ocoakana. Ar tarwaṛeteko gocʼakan okoe do patal puri reakʼ khạndṛuṅ utạrakʼ jaegateko kol ocoakan onkoakʼ mạ̃ṛĩtem ten ocoakana. Am do jaṅgate lebetʼ gańjao akatʼ mạ̃ṛĩ lekam hoyakana.