Jirimiạ 41:18 - সান্তালী বাইবেল

¹⁸ Onko do Babelrenko botorte Jihudạ khonko dạṛetʼkan tahẽkana, ente Ismael do Babel rajren bahalicʼ disạm cakʼlaoyicʼe gocʼledea.

Jirimiạ 41:18 Referans Kwoze

Jirimiạ 40:5

Menkhan Jirimiạ onḍe khon ạuriye calakʼrege Nebusaradan doe menkeda, “Am do Saphanren goṛomtetʼ koṛa, metakʼme Ahikamren hopon Gedaliạ ṭhen ruạṛ calakʼme. Babelren raj do Jihudạ reakʼ sanam nagrahako cetanre uniye bahal akadea. Am do uni sãoten hoṛko talaregem tahẽdaṛeakʼa se amakʼ kusi leka eṭakʼ secʼ hõm sen daṛeakʼa.”

Jirimiạ 42:16

enḍekhan okaṭakʼ lạṛhạipe botorakʼ kan ona do ape tayomtege Misorteye pańja idipea ar ape do onḍegepe gujukʼa.

Jirimiạ 42:11

Okoepe botorae kan uni Babelren raj do ar alope botoraea, ente iń do ape sãotege minạńa. Ińgeń rukhiyạpea ar ińge uniyakʼ ti khoniń bańcaopea.

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

2 Rapajko 25:25

Menkhan eaeyakʼ candore Elisamaren goṛomtetʼ koṛa, metatʼme Nethaniạ hopon Ismael do gel hoṛko soṅgekate Gedaliạ ar Jihudạren okoeko hoṛ do Babel reakʼ Mispare uni sãoteko tahẽkan onko sanamkoe gocʼketʼkoa. Nui Ismael do raj bõsren hoṛe tahẽkana.

Jirimiạ 42:1

Ona tayom lạṛhại phạdkoren sanam subedarko, Karea hopon Johanan ar Hosaya hopon Jasniạ ar sanam hoṛko do Jirimiạ nạbi ṭhen hecʼkateko menkeda, “Dayakate aleakʼ nehõr baṛe ańjomtaleme ar noko sarecʼ hoṛko lạgitʼ amren Probhu Isor ṭhen koeme. Am do ńitem ńeletʼkangea mitʼ okte ale do ḍhergele tahẽkana ar ńitokʼ do eken thoṛa hoṛge sarecʼ menakʼlea.

2 Rapajko 25:22

Babelren raj Nebukadnesar do okoe hoṛko Jihudạ disạmreye sarecʼ oṭoletʼko tahẽkan onko cetanre Saphanren goṛomtetʼ koṛa, metakʼme Ahikamren hopon Gedaliạ do disạm cakʼlaoicʼ menteye bahalkedea.