Jirimiạ 40:7 - সান্তালী বাইবেল

⁷ Ona jokhecʼ Jihudạren lạṛhại phạdkoren okoe subedarko ar onkoren okoeko hoṛ do ṭạnḍireko tahẽkan onko doko ańjomkeda je, Ahikam hopon Gedaliạ do disạm cakʼlaoyicʼe bahal ocoakana ar okoe do Babelte bako bondi idi ocoakan onko reṅgecʼ herel hoponko ar maejiuko ar onkoren hoponko hoponerakoakʼ bhar do uni tire emakana.

Jirimiạ 40:7 Referans Kwoze

Jirimiạ 39:10

Menkhan rurukhiyạ dolren subedar Nebusaradan do begor jaega jumiyan thoṛa hoṛ do Jihudạ disạmregeye doho oṭokatʼkoa; ona jokhecʼ uni do darkha bagwan ar thoṛa jumi hõe ematʼkoa.

Jeheskel 45:16

Disạmren sanam hoṛ do Israelren disạm cakʼlaoyicʼ noa sandesko emaea.

Jirimiạ 39:4

Jihudạren Sedekiạ raj ar uniren sanam lạṛhại phạdko do onko ńelteko dạṛkeda; onko do ńindạ jokhecʼ rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

2 Rapajko 25:4

Tayomte nagraha pạcri reakʼ mitʼ jaegareko bhugạkʼkeda. Ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar raj do Araba secʼe dạṛkeda.

2 Rapajko 25:12

menkhan darkha bagwan ńel todarot ar jumi cas lạgitʼ thoṛa reṅgecʼ hoṛ do disạmreye doho oṭokatʼkoa.

Jirimiạ 41:11

Karea hopon Johanan ar uni sãoten lạṛhại phạdkoren sanam subedarko do tinre Ismaelakʼ joto behok reakʼ kathako ańjomkeda,

Jirimiạ 43:6

Noko do onko herel hoṛko, maejiuko, gidrạko ar rajren hoponerako tahẽkana, one Babel rajren rurukhiyạ dolren subedar Nebusaradan do Gedaliạwakʼ tire onkoe doho oṭoletʼko tahẽkan. Noko sãote Jirimiạ nạbi ar Baruk hõe tahẽkana.

Jirimiạ 52:16

Menkhan darkha bagwan ńel todarot ar jumi cas lạgitʼ thoṛa reṅgecʼ hoṛko disạmreye doho oṭokatʼkoa.

Jirimiạ 39:9

Ar rurukhiyạ dolren subedar Nebusaradan do unre okoeko nagraharegeko tahẽkan, ar okoe do Babel secʼrenko hoyen ar okoe do disạmre sarecʼko tahẽyen onko bondikate Babelteye idiketʼkoa.

Jirimiạ 41:1

Elisamaren goṛomtetʼ koṛa Nethaniạ hopon Ismael do raj bõsren hoṛe tahẽkana ar uni do cetan hudạren mitʼṭen rajkạmiyạ hoṛge. Eaeakʼ candore uni do gel hoṛko soṅgekate Mispate Ahikamren hopon Gedaliạ ṭhene hecʼena. Onko do tinre mitʼteko jojomkan tahẽkana, unre Ismael ar uni soṅgeten onko gel hoṛ do Babel rajren bahalicʼ disạm cakʼlaoyicʼ Gedaliạ do tarwaṛeteko gocʼkedea.

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.