Jirimiạ 40:15 - সান্তালী বাইবেল

¹⁵ Unre Karea hopon Johanan do Mispate hecʼkate hape hapete Gedaliại metadea, “Amem hukum lekhan iń do senkate Nethania hopon Ismaeliń gojea, ona do okoehõ bako baḍae daṛeakʼa; uni do cedakʼ ame gocʼmea? Onate okoe Jihudiko am beṛhaeteko jarwa akan onko doko chirchạturokʼa ar Jihudạren sarecʼ hoṛ doko marao utạrokʼa.”

Jirimiạ 40:15 Referans Kwoze

2 Samuel 21:17

Menkhan Seruya hopon Abisae do Dạude rukhiyạkedea. Uni do Philisṭi hoṛe ńẽtʼkedea are gocʼkedea. Unre Dạudren hoṛko do kiriạwate Dạudko metadea, “Ar tishõ ale sãote lạṛhại do alom oḍok calakʼa, Israel reakʼ diuhe do alom ĩṛĩcʼ ocoya.”

1 Samuel 26:8

Noa ńelte Abisae do Dạude metadea, “Isor do teheń acʼren bạiri amakʼ tireye soprot akadea. Ma hukumạń me, ińakʼ borlomte uni do otren sobokʼ jaladea. Bar dhao do baṅ lagaoạńạ.”

Johan 11:50

Uni doe metatʼkoa, “Ape do cetʼge bape baḍaea, ar hudis hõ bape hudisetʼ kana, goṭa jạtren nosṭokʼ khon bickom sanam hoṛko bodolte mitʼ hoṛe gujukʼge bhagea.”

Jobakʼ 31:31

Ińakʼ gharońjren hoṛko do niạ kathageko roṛetʼ tahẽkana, ‘Job emakʼ jelte okoe hale lacʼ do bae bi akatʼtaea?’

2 Samuel 18:3

Menkhan hoṛko do uniko metadea, “Am do alom calakʼa. Ente alele dạṛle khan onko do celege bako hudislea. Ar aleren adha hoṛko gocʼlenre hõ bako monealea, menkhan am do gel hajar somanicʼ kanam. Am do ńitokʼ nagrahare tahẽkate alem goṛowale khan ạḍi bhage hoyokʼa.”

1 Samuel 24:4

Unre Dạudren hoṛko menkeda, “Probhu Isor oka din reakʼ kathae metatʼme tahẽkan ona din do teheń seṭer akana. Uni doe menleda, ‘amren bạiri do amakʼ tireń soprotea ar unire am oka bhagem hudis onam onkawaea.’ ” Unre Dạud doe beretʼente hape hapete Sạulakʼ aṅgrop reakʼ ańcare getʼ kuṭrạketʼtaea.

Jirimiạ 40:8

Unre onko lạṛhại phạdko, metakʼme Nethaniạren hopon Ismael, Kareyer hoponkin Johanan ar Jonathan, Tanhumet hopon Seraya, Netophati Ephaeren hoponko ar Makathiren hopon Jasaniạ ar onkoren hoṛko do Mispate Gedaliạ ṭhenko senena.