Jirimiạ 40:14 - সান্তালী বাইবেল

¹⁴ “Am do cetʼ bam baḍaea, Amonren Bakʼalis raj do gocʼme lạgitʼ Nethania hopon Ismaele kol akadea mente? Ahikamren hopon Gedaliạ do onkoakʼ katha bae pạtiạuada.

Jirimiạ 40:14 Referans Kwoze

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.

Jirimiạ 25:21

Edomrenko, Moabrenko ar Amonren hoṛko;

Mikạ 7:5

Aḍepaseren hoṛko cetanre bhorsa alope dohoya, ar jãhãe gateko cetanre hõ pạtiạu alope dohoya; hẽ, amakʼ koṛam pheḍreye giticʼkan amren bạhu ṭhen katha hõ sontorte roṛme,

Jirimiạ 40:8

Unre onko lạṛhại phạdko, metakʼme Nethaniạren hopon Ismael, Kareyer hoponkin Johanan ar Jonathan, Tanhumet hopon Seraya, Netophati Ephaeren hoponko ar Makathiren hopon Jasaniạ ar onkoren hoṛko do Mispate Gedaliạ ṭhenko senena.

Jesaea 26:10

Bedhorom hoṛko daya udukʼakore hõ onko do dhorom bako ceda; hokakʼ disạmre onko do dusṭạmiko kạmiya ar Probhu Isorakʼ mạhima hõ bako aṅgoca.

Jirimiạ 40:13

Ar Karea hopon Johanan ar ṭạnḍireko tahẽkan lạṛhại phạdkoren subedarko do Mispate Gedaliạ ṭhen hecʼkateko menkeda,

Jirimiạ 41:1

Elisamaren goṛomtetʼ koṛa Nethaniạ hopon Ismael do raj bõsren hoṛe tahẽkana ar uni do cetan hudạren mitʼṭen rajkạmiyạ hoṛge. Eaeakʼ candore uni do gel hoṛko soṅgekate Mispate Ahikamren hopon Gedaliạ ṭhene hecʼena. Onko do tinre mitʼteko jojomkan tahẽkana, unre Ismael ar uni soṅgeten onko gel hoṛ do Babel rajren bahalicʼ disạm cakʼlaoyicʼ Gedaliạ do tarwaṛeteko gocʼkedea.