Jirimiạ 4:8 - সান্তালী বাইবেল

⁸ Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jirimiạ 4:8 Referans Kwoze

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Jeheskel 30:2

“E manwa hopon, am do noa nạbi katha roṛme, Probhu Isore menetʼkana, ‘enhilokʼ lạgitʼ jare jarekʼpe.

Jeheskel 21:12

E manwa hopon, ragme ar homor halaṅme, ente ona tarwaṛe do ińren hoṛko upạrte ar Israelren sanam mukhiyạko upạrtehõ kana. Onko do ińren hoṛko sãote tarwaṛe ṭhenko soprot ocoakana. Onate am do koṛam ceṭagtam.

Jirimiạ 48:20

Moab doe lajao ocoakana, ente uni doe talga tạuạkʼ ocoakana. Ape do rakʼjoṅpe ar homor halaṅpe. Ar Arnon gaḍa aṛere noa porcarpe, Moab do jarkhar akana.

Jirimiạ 30:24

Probhu Isorakʼ sana purạpuri kạmire ạuri lagaokʼ hạbicʼ uniyakʼ botoranakʼ edre do baṅ ruạṛtaea. Tayom daram dinkore hõ noa dope bujhạu daṛeakʼa.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Jesaea 9:21

Manase do Ephrayimakʼ ar Ephrayim do Manaseakʼ jelko joma, onko do mitʼ sãote Jihudạ upạrteko teṅgona. Ar noako hoylenre hõ uniyakʼ edre do baṅ thirokʼtaea; ar ńit hõ uniyakʼ ti do tulge menakʼa.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Sereńko 78:49

Uni do onko upạrte acʼakʼ jolokʼkan edre ar duk kosṭoe kolkeda; ona do maraokʼreye bahal akatʼko mitʼ dol goḍet leka hoyena.

Numeri 25:4

Probhu Isor do Moseye metadea, “Israelkoren sanam mukhiyạkom sapʼkoa arem gocʼkoa ar onkoakʼ mạ̃ṛĩ do siń reakʼ marsalre iń samaṅrem giḍikakʼa. Tobe anecʼ Israel hoponko cetan khon ińakʼ edre do ocogokʼtińạ.”

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Jirimiạ 25:34

E gukʼpiko, ape do ragpe, homor halaṅpe; E gukʼpikoren mukhiyạko, ape do dhuṛire guṛdạukʼpe, ente ape gurpe reakʼ okte do seṭer akana; ape do mońj mitʼṭecʼ hasa reakʼ bhajan lekape rạputʼ gejer ocokʼa.

Mikạ 1:16

Okoe do hopon ar hoponerako iạtepe rạskạkʼkan tahẽkan onko lạgitʼ homor halaṅ iạte bohokʼ hoyo poṭorokʼpe; gidi bohokʼ leka apeakʼ bohokʼ do ceḍeytape, ente onko do bondikate ape khon sạṅgińteko idi ocokʼa.