Jirimiạ 4:6 - সান্তালী বাইবেল

⁶ Sion secʼ mitʼṭecʼ nisạn tul rakabtape. Ar bin bilomte ńir bańcaokʼpe, ente iń do utạr secʼ khon maraṅ jarkharokʼgeń ạgu lạgidokʼ kana.

Jirimiạ 4:6 Referans Kwoze

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 51:27

“Ape do disạmre nisạn rakabtape. Ar jạt jạtrenko upạrte siṅgạ oroṅpe. Uni upạrte lạṛhại lạgitʼ jạtrenko sapṛao dohokope; uni upạrte Ararot, Mini ar Askenasren rajko hohoakope. Uni upạrte mitʼṭen subedar bahalepe; ar sobotʼ sobotʼ pohoko leka ạḍi utạr sadom kolkope.

Jirimiạ 51:12

Babelre jhãp em lạgitʼ mitʼṭecʼ nisạn rakabtape. Rurukhiyạ dolko do arhõ daṛeanko hoyocokope, pahrako dohokope, danaṅ ṭhạ̃ire lạṛhại phạdko sapṛao dohokope. Probhu Isor do Babelren hoṛko upạrte acʼakʼ monsubạ ar hukum lekageye kạmiya.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 6:22

Probhu Isor do noa kathae meneda, “Ńelpe, utạr disạm khon mitʼ dol maraṅ lạṛhại phạdko hijukʼkana; pirthimi reakʼ ses simạna khon mitʼ maraṅ jạtrenko udgạu ocokʼkana.

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Jirimiạ 4:21

Tinạkʼ din nisạn do tul akaniń ńela, ar tinạkʼ din sakwa reakʼ saḍe doń ańjoma?

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Sephaniạ 1:10

Probhu Isor do arhõe meneda, “Enhilokʼ do hako phaṭok duạr ṭhen khon rakʼ reakʼ aṛaṅ ar nagraha reakʼ dosar hĩs khon homor halaṅ ar buruko secʼ khon do rạputʼ ńurokʼkan reakʼ saḍege ańjomokʼa.

Jirimiạ 51:54

Babel khon rakʼ ańjomokʼ kana, Babelrenkoakʼ disạm khon do maraṅ okocʼ ḍhao maraokʼ reakʼ andoṛge ańjomokʼ kana,

Jirimiạ 50:22

Disạmre lạṛhại ar maraṅ dhaṅdhaserokʼ reakʼ saḍe ańjomokʼ kana.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’

Jirimiạ 22:7

Iń do am upạrte nonosṭokoń kolkoa; onko mimitʼkoakʼ tire do khanḍa bhanḍa tahena. Onko do amakʼ bhage bhage debdạru dareko maga ar seṅgelreko khadle giḍikakʼa.

Sakariạ 6:6

Hende sadomkoakʼ rãt gạḍi do utạr disạm secʼ calakʼkana, ar ponḍ sadomkoakʼ rãt gạḍi do pạchim secʼ ar nana parkan roṅan sadomkoakʼ rãt gạḍi do dạkhin secʼ calakʼkan tahẽkana.”

Jirimiạ 10:22

Ańjompe, khobor hijukʼkana! Jihudạ reakʼ nagrahako do ujạṛokʼa ar toyokoakʼ tahen ṭhạ̃i hoeocoy lạgitʼ utạr disạm khon gulmal reakʼ sabad hijukʼ kana.

Jeheskel 9:1

Ona tayom Isor do ãṭ aṛaṅte hohoate roroṛiń ańjomkedea, “E nagrahako jarkhar reakʼ kạmire bahal akan hoṛko, ape do maraokʼ reakʼ khanḍa bhanḍako nonḍe ạguiytape.”

Jeheskel 9:2

Unre utạr secʼ reakʼ cetan ṭhạ̃i reakʼ phaṭok duạr secʼ khon turui hoṛ hijukʼkan iń ńelketʼkoa; onko mimitʼkoakʼ tire do maraokʼ reakʼ khanḍa bhanḍako tahẽkana. Onko sãote mĩhĩ musnạ kicricʼ horokʼ akatʼ mitʼṭen hoṛe tahẽkana ar uniyakʼ ḍanḍare do olokʼicʼakʼ doat kạli hõ tahẽkana. Onko do bhitrite bolokate pitạl reakʼ pinḍ ṭhenko teṅgoyena.