Jirimiạ 4:5 - সান্তালী বাইবেল

⁵ “Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Jirimiạ 4:5 Referans Kwoze

Jirimiạ 8:14

Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Josuạ 10:20

Nonkate Josuạ ar Israelko do Amoriạkoko ńẽtʼ cabaketʼkoa. Onate joto lekako gocʼena; menkhan tinạkʼ sarecʼko tahẽkan onko do akoakʼ pạcrite esetʼ nagrahareko aderketʼkoa.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Jirimiạ 35:11

Menkhan Babelren raj Nebukadneser do tinre niạ disạme hatkeda unrele menkeda, ‘Babel ar Aramren lạṛhại phạdko ṭhen khon dela bon ńir paskaokʼma ar Jerusalemte bon calakʼma.’ Onate ale do Jerusalemregele tahẽyena.”

Jirimiạ 9:12

Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Jirimiạ 5:20

Probhu Isor do Jakob bõsrenko niạ katha lạiyako ar Jihudạ ṭhen niạ katha jạhirako lạgitʼe meneda,

Numeri 10:3

Tinre banar pepṛẽtʼ oroṅokʼa unre Israelko do jotoge ńapamokʼ tạmbu reakʼ duạr ṭhen am samaṅreko jarwakʼa.

Jeheskel 7:14

Hoṛko do sakwa oroṅkate sanamakʼko sapṛao dohoakada, menkhan lạṛhại lạgitʼ do celege bako oḍok calakʼkana, ente ińakʼ jaljalao edre do disạmren sanam hoṛko cetanre menakʼa.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Numeri 10:2

“Rupạ reakʼ barea pepṛẽtʼ benao ocoyme. Israelko hoho jarwako lạgitʼ ar eṭakʼ eṭakʼ dolko uṭhạu ocoko lạgitʼ am do noam oroṅa.

Jesaea 28:19

Ar tinạkʼ dhao ona pheḍ hijukʼa unạkʼ dhaogepe dal ocokʼa; aṅga marsalokʼ khon setakʼ hạbicʼ, siń ar ńindạ ona do kajakte pheḍ hijukʼa. Niạ kathape bujhạule khan torasge hoyokʼtapea.”