Jirimiạ 4:28 - সান্তালী বাইবেল

²⁸ Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Jirimiạ 4:28 Referans Kwoze

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Hosea 4:3

Ona iạte disạm doe homor halaṅeda ar okoe uni talareko tahen kan onko doko marao utạrokʼ kana ar janwarko, cẽṛẽko ar hako hõko gocʼ cabakʼ kana.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jesaea 50:3

Serma do kicricʼ leka ńutiń horokʼae kana ar gõṛẽ kicricʼ do ona reakʼ oyonakʼ geń hoeocoyeda.”

Jesaea 5:30

Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

Johan sodor 6:12

Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.

Ibriko 7:21

menkhan Jisuye maraṅ naekeye jokhecʼ doe kiriạlena. Sonot sostorre noa reaṅ ol akana, Probhu Isor doe kiriạyena, “Am do jaejug hạbicʼ naeke kanam.” Noa babotre uni do acʼakʼ mon bae pheraotaea.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik dohoakatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Luk 23:44

Unre tikin khon tarasiń hạbicʼ siń cando do bae marsalleda ar goṭa disạm do ńutge tahẽyena. Ar Jerusalem mundil reakʼ orwal do tala talate oṛecʼente bar hạṭińena.

Mark 15:33

Ado gelbar baja khon pe baja hạbicʼ goṭa disạm do ńũtena.

Mathae 27:45

Enhilokʼ tikin gelbar baja khon pe baja hạbicʼ goṭa disạm do ńutge tahẽyena.

Joel 1:10

Sanam khetko do nosṭo akana, ot doe homoretʼkana, ente phosol do nosṭo caba akana, nãwã darkha rasa ańjetʼakana ar sunum hõ caba hijukʼkana.

Hosea 13:14

“Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Jeheskel 24:14

Ińakʼ kạmi reakʼ okte do seṭerakana. Iń do onań onkaegea, bạń mãyãkʼa se bạń dayakʼa. Amakʼ colon ar amakʼ kạmi lekagem bicạr ocokʼa. Iń Probhu Isorge noa katha doń meneda.’ ”

Jirimiạ 30:24

Probhu Isorakʼ sana purạpuri kạmire ạuri lagaokʼ hạbicʼ uniyakʼ botoranakʼ edre do baṅ ruạṛtaea. Tayom daram dinkore hõ noa dope bujhạu daṛeakʼa.

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Jirimiạ 23:10

Laṭghaṭkote disạm do perecʼ akana; sarap iạte disạm doe hińjrạukʼkana ar hahaṅkar reakʼ ạtiń ṭạnḍiko do rohoṛ akana. Hoṛko do bạṛicʼ horteko sen akana ar onkoakʼ ektiạri do behokakʼteko boeharetʼa.

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Jirimiạ 12:11

Ona do iń ṭhene homor halaṅetʼkana. Goṭa disạmge khaṅkor ot hoyakante okoe hõ bako moneyakʼkana.

Jirimiạ 7:16

Probhu Isore meneda, “Noko hoṛko lạgitʼ do alom koejoṅa, onko lạgitʼ do alom raga ar jãhãnakʼ iń ṭhen alom nehõrokʼa; ar jãhãnakʼ hõ alom ạjijokʼa, ente iń do bạń ańjomtama.

Jesaea 34:4

Sermaren siń cando, ńindạ cando ar ipilko doko marao utạrokʼa ar serma do kagoc leka lạṭumokʼa. Cetʼleka darkha nạ̃ṛĩ ar loa jo dare khon rohoṛ sakamko ńurokʼ onkage sanam ipilkoko ńurokʼa.

Jesaea 24:4

Dhạrti do hińjrạukʼ kana ar boraokʼ kana ar pirthimi do loraokʼ kana ar boraokʼ kana.

1 Samuel 15:29

Okoe doe Israelkoren ṭhonokicʼ kan uni do eṛe katha bae roṛa se mon hõ bae bodoltaea. Uni do manwa doe baṅ kana, onate mone bodoltaea mente.”

Jirimiạ 51:12

Babelre jhãp em lạgitʼ mitʼṭecʼ nisạn rakabtape. Rurukhiyạ dolko do arhõ daṛeanko hoyocokope, pahrako dohokope, danaṅ ṭhạ̃ire lạṛhại phạdko sapṛao dohokope. Probhu Isor do Babelren hoṛko upạrte acʼakʼ monsubạ ar hukum lekageye kạmiya.

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Sakariạ 8:14

“Iń phạdkoren Probhu Isorgeń meneda, aperen hapṛamko tinre ińko khĩs ocoledińa unre onko cetanre muhiniń ạguiya menteń ṭhik doholeda ar ona hõń hoyocoletʼa.