Jirimiạ 4:26 - সান্তালী বাইবেল

²⁶ Beṅgetʼkateń ńelkeda Probhu Isor samaṅre, uniyakʼ botoranakʼ edre samaṅre disạm do hahaṅkar hoyakana; uniyakʼ sanam nagrahako do dhaṅ dhaser akana.

Jirimiạ 4:26 Referans Kwoze

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 12:13

Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

Jirimiạ 7:34

Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Jirimiạ 25:11

Niạ disạm do jarkhar ar potit jumige hoyokʼa ar noko jạtrenko do eaegel bochor hạbicʼ Babel rajren golam akanko tahena.

Rak̕joṅ 2:7

Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.