Jirimiạ 4:20 - সান্তালী বাইবেল

²⁰ Muhin cetan muhin do hijukʼkana; goṭa disạmge dhaṅdhaserokʼa. Ar thoṛa ghạṛicʼ khange ińakʼ tạmbuko, ar ackage ińakʼ tạmbu reakʼ orwalko do jarkharokʼtińạ.

Jirimiạ 4:20 Referans Kwoze

Sereńko 42:7

Onḍe amakʼ jharna reakʼ saḍe do athantarre hohokʼkana; ar amakʼ ḍheoko ar hud hudạukʼkan dakʼko do iń cetante ạtu paromokʼ kana.

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Rak̕joṅ 3:47

Ale do toras, jhãmpa, dhaṅdhaser ar jarkharge hecʼ akatʼlea. ”

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jesaea 33:20

Aboakʼ sanam porob reakʼ nagraha Sion secʼ beṅgedme. Amakʼ mẽtʼkin do Jerusaleme ńela, nirạite tahen jaega ar baṅ ocogokʼ tạmbuge. Ona reakʼ khunṭiko do tishõ baṅ or todokʼa ar ona reakʼ baber hõ baṅ topagokʼa.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Levitikus 26:24

enḍekhan iń apnarge bạiriko secʼte apeakʼ kại reakʼ eae doboṛ sạjạyiń emapea.

Levitikus 26:21

“Apeakʼ monre bạiri lekape hudisiń ar ińakʼ katha bape luturakʼ enḍekhan apeakʼ kại reakʼ sạjại do eae doboṛiń ḍhertapea.

Levitikus 26:18

“Ar noa tayom hõ ińakʼ katha bape ańjom enḍekhan apeakʼ kại reakʼ eae doboṛiń sạjạipea.

Exodus 33:5

ente Probhu Iso do Moseye metade tahẽkana, “Israelkom metakoa, onko do, mitʼṭecʼ keṭecʼ hoṭokʼan jạtren kanako mente. Onate mitʼ ghạṛi hõ onko sãoteń tahen, enḍekhan onko doń marao utạrkoa. Ar ńit onkoakʼ hoṛmore okako abhran menakʼ onako totʼ giḍikakʼma. Ar ona tayom iń hudisa onkore cetʼ iń cekaea mente.”

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Jirimiạ 4:6

Sion secʼ mitʼṭecʼ nisạn tul rakabtape. Ar bin bilomte ńir bańcaokʼpe, ente iń do utạr secʼ khon maraṅ jarkharokʼgeń ạgu lạgidokʼ kana.

Jesaea 54:2

Amakʼ tạmbu reakʼ jaega do arhõ baṛhaome; amakʼ tạmbu reakʼ orwal do arhõ osartam, alom cipạya. Amakʼ tạmbu reakʼ baberko alom khaṭoea ar khunṭiko hõ kajaktam,

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

Sereńko 72:19

Uniyakʼ ṭhonok do jaejug hạbicʼ sarhao hoyokʼtaema; goṭa dhạrti do uniyakʼ ṭhonokte perejokʼ ma. Amen, Amen.

Numeri 16:45

“Aben do noko hoṛko khon pharakokʼ ben; ńitge onko doń marao cabakoa.” Noa katha ańjomkate unkin do otre kin ombakʼena.

Numeri 16:21

“Aben do eṭakʼ sanam hoṛko khon begarokʼ ben, jemon ńitge onkoń maraoko.”

Levitikus 26:28

enḍekhan raṅgaote ape upạrteń colona ar apeakʼ kại reakʼ eae doboṛiń sạjạipea.

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Jirimiạ 4:21

Tinạkʼ din nisạn do tul akaniń ńela, ar tinạkʼ din sakwa reakʼ saḍe doń ańjoma?

Jirimiạ 4:27

Probhu Isore meneda, “Goṭa disạmge ujạṛokʼa, menkhan purạ puri do bạń marao utạra.

Jirimiạ 12:11

Ona do iń ṭhene homor halaṅetʼkana. Goṭa disạmge khaṅkor ot hoyakante okoe hõ bako moneyakʼkana.

Jirimiạ 9:18

Onko do usạra hecʼkate abo ńutumteko jare jarekʼ ma jemon aboakʼ mẽtʼ dakʼ hiḍir hiḍir jorokʼtabon.