Jirimiạ 4:19 - সান্তালী বাইবেল

¹⁹ Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 4:19 Referans Kwoze

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Jesaea 22:4

Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Jesaea 16:11

Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Galathiko lạgitʼ Pạul Apostolakʼ ciṭhi 4:19

E ińren gidrạko, Mạsi apere ạuriye muṭhạnokʼ hạbicʼ ape iạte arhõ bedonteń sasetokʼ kana.

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Daniel 7:15

“Unre iń Daniel do kukmũ talare monre kosṭoń ạikạukeda ar okakoń ńelketʼ ona do ińe kạulạ kạuli ocoyedeń tahẽkana.

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Sereńko 116:7

E ińakʼ jiwi, arhõ khạtirokʼme, ente Probhu Isor do ḍhergeye bhạlại akatʼmea.

Romiko lạgitʼ Pạul Apostolakʼ ciṭhi 10:1

E boehako, Israelko lạgitʼ ińakʼ ontor reakʼ sana ar Isor ṭhen ińakʼ koejoṅ do noage, onko jemon kại khon bańcaoko ńam.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Rak̕joṅ 1:16

Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”

Jirimiạ 23:9

Noa tayom nạbiko babotre Probhu Isorakʼ katha ańjomkate iń do ontorreń rạputʼ gejer akana ar ińakʼ sanam jaṅko do lewe lewe akana. Probhu Isor ar uniyakʼ sonot katha iạte iń do bul hoṛ leka, darkha rasa ńũkate bul bhuteṛ hoṛ lekań hoyakana.

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 4:21

Tinạkʼ din nisạn do tul akaniń ńela, ar tinạkʼ din sakwa reakʼ saḍe doń ańjoma?

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Sereńko 146:1

Probhu Isorakʼge sarhao hoyokʼtae ma. E ińakʼ jiwi, Probhu Isorge gun manao joharaeme.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 119:53

Bạṛicʼ hoṛkoakʼ bạṛicʼtetʼ ńelte ạḍitetʼ iń raṅgaokʼ kana, onko do amakʼ hukumko bạgi akada.

Sereńko 103:1

E ińakʼ jiwi, Probhu Isor sarhaoeme; E ińakʼ ontor, uniyakʼ ṭhonokʼ baṛe sarhaotaeme.

Sereńko 16:2

Iń do Probhu Isoriń menakawadea, “Am kangeam ińren kisạ̃ṛ do; am begor bhageakʼ do cetʼte hõ baṅ hoyokʼtińạ.”

Bikʼcạrko 5:21

Ona sedae reakʼ gaḍa dakʼ ona Kison gaḍa reakʼ dakʼ do bạirikoe ạtu idiketʼkoa. E ińakʼ jiwi, keṭecʼkate lahakʼme baṛe.

Numeri 10:9

Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Genesis 49:6

Unkinakʼ oko danaṅre ińakʼ jãhãn hĩs do bạnukʼa, ar unkinakʼ dolre iń do bạnuńa. Unkin do edrete hoṛkin khũnkoa, ar ạkinakʼ kusi sanaleka ḍaṅgrawakʼ jaṅga sirkin samakʼakada.

1 Korinthiko 14:8

Lạṛhại siṅgạ pusṭạute baṅ saḍelen khan, enḍekhan lạṛhại lạgitʼ okoe haleye sapṛaokokʼa?

Jirimiạ 6:24

Onko reaṅ khoborle ńamakada ar onate aleakʼ ti do lạbṛugokʼkantalea. Ale do hasotele thakao akana; bedonokʼkan maejiu lekage haso rakapʼ akawatʼlea.

Jirimiạ 8:21

Ińren hoṛko lạbṛukʼente iń hõń lạbṛukʼ akana; iń doń homor halaṅetʼkana ar bạṛicʼ botor sapʼakadińạ.

Jirimiạ 42:14

arpe men, ‘ale do Misorte senkatele girobasokʼa; onḍe do lạṛhại hõ bale ńela, siṅgạ reakʼ saḍe hõ bale ańjoma, ar jomakʼte hõ bale ṭonṭakʼa,’

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Jirimiạ 50:22

Disạmre lạṛhại ar maraṅ dhaṅdhaserokʼ reakʼ saḍe ańjomokʼ kana.

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

2 Rapajko 8:11

Niạ menkate Hosael ạuriye lajaokʼ hạbicʼ Elisae do uni secʼ beṅgetʼ akaegeye tahẽyena. Ona tayom Isorren hoṛ do rarakʼe ehopʼena.

Jesaea 21:4

Ińakʼ ontor do dhak dhakaokʼ kantińạ; botorteń thar tharaokʼ kana. Oka ńindạ lạgitʼ iń koyokʼ horakatʼ tahẽkan ona do ńitokʼ botoranakʼge hoyakantińạ.

Jirimiạ 8:18

Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.