Jirimiạ 39:18 - সান্তালী বাইবেল

¹⁸ Iń do khạṭige amiń rukhiyạmea; ar bam gocʼ ocokʼa, bickom jãhãlekatege amakʼ jiwim rukhiyạitama, ente am do ińrem bhorsa akana. Iń Probhu Isorge noa katha doń meneda.’ ”

Jirimiạ 39:18 Referans Kwoze

Jirimiạ 38:2

Jirimiạ doe menetʼ tahẽkana, “Probhu Isor do noa kathae meneda, ‘jãhãege noa nagrahareye tahen uni do lạṛhại talate ar baṅkhan akalte ar baṅkhan mahamạriteye gujukʼa, menkhan okoe Babelrenko ṭhene calakʼ uni do bae gujukʼa. Uni do jãhãlekate acʼakʼ jiwiye rukhiyạitaea.

Sereńko 34:22

Probhu Isorge acʼren golamkoe chaḍaoetʼkoa; okoe unireko hirlạkʼkan okoehõ onko do sạjại bako ńama.

Jirimiạ 21:9

Jãhãege niạ nagrahareye tahen uni do tarwaṛe, akal ar mahamạriteye gujukʼa; menkhan jãhãege bahrete oḍok senkate acʼren khekedkoakʼ tire apnartetʼe jimạkʼ uni doe bańcaokʼa; ar acʼakʼ jiwiye bańcaotaea.

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

Sereńko 84:12

E sanam daṛeanicʼ Probhu Isor, okoe amreye bhorsakʼ kan uni doe bhạgangea.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

1 Bõsbudạ 5:20

Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Sereńko 33:18

Menkhan Probhu Isorre okoeyakʼ botor menakʼ, ar uniyakʼ dulạṛre okoe asko dohoyetʼ, onko cetanre uniyakʼ daya do tahẽnkana;

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

Romiko lạgitʼ Pạul Apostolakʼ ciṭhi 2:12

Moseyakʼ ạn-ạri bahre tahẽkate okoeko kạiyetʼkan onko do begor ạntegeko nosṭokʼa. Menkhan okoe ạn bhitrire tahẽkateko kạiyetʼ onkoakʼ bicạr do ạn hotetege hoyokʼa.

Jesaea 26:3

Okoeyakʼ mon amre tahẽ uricʼ akan uni do purạ suluktem dohoyedekana, ente uni do am cetanreye bhorsakʼ kana.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Jobakʼ 5:20

Akalre uni do gujukʼ khone rukhiyạmea, ar lạṛhạire tarwaṛe reakʼ ghạl khone bańcaomea.

Sereńko 91:7

Hoedaṛeakʼa am pantere hajar hoṛ ar eṭakʼ pantere do gel hajar hoṛko gurlenre hõ noako do am ṭhen baṅge hijukʼa.