Jirimiạ 38:23 - সান্তালী বাইবেল

²³ Amren sanam bạhuko ar hoponko ar hoponerako do Babelrenko ṭhenko idi ocokʼa. Ar amhõ onkoakʼ ti khon rukhiyạ do bam ńama bickom Babel rajakʼ tirem sapʼ ocokʼa, ar noa nagraha do seṅgelte ḍahao maraokʼa.”

Jirimiạ 38:23 Referans Kwoze

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.

Jirimiạ 39:6

Babelren raj do Riblare Sedekiạ samaṅrege uniren hoponkoe gocʼketʼkoa ar Jihudạren sanam rajkạmiyạko hõe gocʼketʼkoa.

Jirimiạ 38:18

Menkhan Babel rajren subedar ṭhen bhagao ocokʼ reakʼ bam aṅgoc enḍekhan noa nagraha do Babelrenkoakʼ tire soprotokʼa ar onko do seṅgelte noako ḍahao maraoa; ar amhõ onkoakʼ ti khon rukhiyạ do bam ńama.’ ”

2 Rapajko 25:7

Lạṛhại phạdko do Sedekiạ samaṅrege uniren hoponko gocʼketʼkoa. Ona tayom onko do uniyakʼ mẽtʼko hoṭor totʼketʼtaea ar pitạl reakʼ sikṛite tolkate Babelteko idikedea.

Jeheskel 43:3

Noa dorson ńelkate iń doń ombakʼena; ar nagraha maraokʼ reakʼ oka dorson Kebar gaḍa aṛereń ńelletʼ noa dorson do ona lekage tahẽkana.

Jeheskel 14:9

“ ‘Ar uni nạbi jãhãnakʼe roṛ ruạṛae enḍekhan baḍaeme, iń Probhu Isorge roṛ ruạṛ emokʼ lạgitʼ uniń bulạu akadea. Ona tayom uni nạbi upạrte tiyiń tultińạ ar ińren hoṛ Israelko tala khoniń marao giḍikaea.

Jirimiạ 6:12

Okoe disạmreko girobasokʼkan onko upạrte tinre sạjại reakʼ tiyiń rakaba unre eṭakʼkoakʼ tite onkoakʼ oṛakʼ-duạrko, khet baṛgeko ar onkoren era uruko hõko jimạkoa.

Jirimiạ 32:4

Jihudạ raj Sedekiạ do Babel rajakʼ ti khon ohoe rukhiyạ daṛelena uni do khạṭige onkoren rajakʼ tireye soprot ocokʼa. Uni do Babel raj tulucʼ samna sạmni kathae roṛa ar acʼakʼ mẽtʼte uniye ńelea.

Jirimiạ 37:8

Ar ona tayom Babelrenko do ruạṛ hecʼkate noa nagrahako akromona; ar noa dokhola ar seṅgelteko ḍahao maraoa.

Jirimiạ 38:24

Unre Sedekiạ do Jirimiại metadea, “Noa katha jemon okoehõ aloko baḍae, arko baḍaele khan am dom gujukʼa.

Jirimiạ 39:5

Menkhan Babelren lạṛhại phạdko do onkoko khudạu idiketʼkote Jerikho reakʼ bilạn ṭạnḍire Sedekiạko sapʼ tiyokʼkedea. Arko sapʼkede khan Hamat disạm reakʼ Riblare Babelren raj Nebukadnesar ṭhenko idikedea. Ar Nebukadnesar raj do uni sạjạiye reakʼe hukumkeda.

Jeheskel 17:15

Menkhan uni disạm cakʼlaoyicʼ do sadom ar mitʼṭen maraṅ lạṛhại phạdko ńamko lạgitʼ Misorte goḍete kolkedete Babelren raj upạrteye hulkeda. Uni do cetʼe jitạukʼgea? Okoe nonkanakʼe kạmi uni do cetʼ rehaeye ńamgea? Kiriạ teakʼe rạputʼ lekhan uni do cetʼ rukhiyại ńamgea?

Numeri 4:18

“Liwiko tala khon Kohat gusṭiren hoṛko jemon aloko maraokʼ.

Jirimiạ 21:10

Iń do niạ nagraharen bhalạiyicʼ doń baṅkana menkhan loksan lạgitʼge monreń goṭa dohoakada. Babelren rajakʼ tire noa do emogokʼa, uni do seṅgelteye ḍahao maraoa.’

Jirimiạ 34:3

Ar uniyakʼ ti khon do bam rukhiyạ daṛeakʼa; am do khạṭige sapʼkate uniyakʼ tireko soprotmea; ar apnar mẽtʼte Babelren rajem ńelea; uni do am samaṅre kathae roṛa, ar am do Babeltem calakʼa.