Jirimiạ 38:22 - সান্তালী বাইবেল

²² Jihudạ rajakʼ oṛakʼren sarecʼ maejiuko do Babel rajren subedar ṭhenko idi ocokʼa. Onko maejiuko do amko metama, ‘amren gateko do bạṛicʼ horteko idiakatʼmea, ar amko bhagao ocoakatʼmea. Losotʼre jaṅga do thạli akantama; ar amren gateko do amko bạgi akatʼmea.’

Jirimiạ 38:22 Referans Kwoze

Rak̕joṅ 5:11

Maejiuko do Sionreko nosṭo ocokʼ kana; ar kũạri kuṛiko do Jihudạ ato ar nagrahakore.

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Jirimiạ 43:6

Noko do onko herel hoṛko, maejiuko, gidrạko ar rajren hoponerako tahẽkana, one Babel rajren rurukhiyạ dolren subedar Nebusaradan do Gedaliạwakʼ tire onkoe doho oṭoletʼko tahẽkan. Noko sãote Jirimiạ nạbi ar Baruk hõe tahẽkana.

Mikạ 7:5

Aḍepaseren hoṛko cetanre bhorsa alope dohoya, ar jãhãe gateko cetanre hõ pạtiạu alope dohoya; hẽ, amakʼ koṛam pheḍreye giticʼkan amren bạhu ṭhen katha hõ sontorte roṛme,

Rak̕joṅ 1:13

Coṭ khon uni do ińakʼ jaṅkore seṅgelgeye kol akada. Ińakʼ jaṅga lạgitʼ uni do jhãmpae oḍao akada ar ạcur ruạṛokʼ lạgitʼe jormoṭ akadińạ. Uni do ińe eskar akadińạ, goṭa din nijorgeye dohoakadińạ.

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.

Jirimiạ 38:19

Sedekiạ raj do unre Jirimiại metadea, “Okoe Jihudiko Babelteko idi ocoakan iń do onkoń botor akokana, ente Babelrenko do hoedaṛeakʼa onkoakʼ tireko soprotińạ ar onko do iń tulucʼ bạṛicʼko beohara.”

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Jirimiạ 6:12

Okoe disạmreko girobasokʼkan onko upạrte tinre sạjại reakʼ tiyiń rakaba unre eṭakʼkoakʼ tite onkoakʼ oṛakʼ-duạrko, khet baṛgeko ar onkoren era uruko hõko jimạkoa.

Jesaea 42:17

Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.

Sereńko 69:14

Gheora khon bańcaoińme, ar alom unum ocoyińạ; ińren bạirikoakʼ ti khon am do bańcaoiń me. Ar khạndri dakʼ khon bańcaoińme.

Sereńko 69:2

Iń do khạndri gheorareń unumokʼ kana, onḍe do ińakʼ teṅgokʼ reakʼ ṭhạ̃ige bạnukʼa. Iń do khạndri dakʼreń paṛao akana; ar ḍubạ dakʼ do iń cetante ạtukʼ kana.

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jirimiạ 13:21

Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Jirimiạ 38:21

Menkhan bhagao ocokʼ reakʼ bam aṅgocetʼ khan Probhu Isor iń ṭhen okae sodorakatʼ ona do nonka kana:

Jobakʼ 6:15

Menkhan ińren gateko cetanre do ohoń bhorsa daṛelena; onko do nonkan ạtukʼ dakʼ lekanako one okte oktere bondokʼ kan arhõ okte oktere do gaḍa perecʼ cape rakabokʼ kan.

Jirimiạ 27:14

Onko nạbikoakʼ katha alo ańjomtako lạgitʼ okoeko metapekan, ‘ape do tishõ Babel rajren golam bape hoyokʼa,’ onko do ape ṭhen eṛeyakʼko nạbiyeda.

Jirimiạ 27:15

Probhu Isore meneda, ‘iń do onko bạń kol akatʼkoa. Onko do iń ńutumte eṛeyakʼko nạbiyeda. Ona iạte ape ṭhen okoeko nạbiyetʼ onko nạbi doń sạṅgińkoa ar ape sanamkogepe marao utạrokʼa.’ ”