Jirimiạ 38:18 - সান্তালী বাইবেল

¹⁸ Menkhan Babel rajren subedar ṭhen bhagao ocokʼ reakʼ bam aṅgoc enḍekhan noa nagraha do Babelrenkoakʼ tire soprotokʼa ar onko do seṅgelte noako ḍahao maraoa; ar amhõ onkoakʼ ti khon rukhiyạ do bam ńama.’ ”

Jirimiạ 38:18 Referans Kwoze

Jirimiạ 38:3

Noa nagraha do khạṭige Babel rajren lạṛhại phạdkoakʼ tire emocokʼa; onko do noako ạidạrijoṅa.’ ”

Jeheskel 12:13

Iń do uni lạgitʼ jhạliń oḍaoa ar uni do ińakʼ pạsireye sabokʼa. Ar uni do Babelrenkoakʼ disạmteń idiyea, menkhan ona do bae ńela; uni do onḍegeye gujukʼa.

Jirimiạ 39:3

Unre Babel rajren sanam rajkạmiyạko, metakʼme Nergal Saretser, Samgar Nebo, Sarkim ńutuman mitʼṭen maraṅ kạmiạyicʼ; Nergal Saretser ńutuman cetan hudạren mitʼ rajren kạmiạyicʼ ar Babel rajren eṭakʼ sanam kạmiyạko do hecʼkate tala phaṭok duạr ṭhenko duṛupʼena.

Jirimiạ 38:23

Amren sanam bạhuko ar hoponko ar hoponerako do Babelrenko ṭhenko idi ocokʼa. Ar amhõ onkoakʼ ti khon rukhiyạ do bam ńama bickom Babel rajakʼ tirem sapʼ ocokʼa, ar noa nagraha do seṅgelte ḍahao maraokʼa.”

Jirimiạ 37:8

Ar ona tayom Babelrenko do ruạṛ hecʼkate noa nagrahako akromona; ar noa dokhola ar seṅgelteko ḍahao maraoa.

2 Rapajko 24:12

Unre Jihudạren raj Jehoyakin, uniren eṅgattetʼ, uniren gokʼṛoyicʼ, uniren subedarko ar uniren gutiko jotoge Nebukadenesarakʼ tireko jimạyena. Nebukadenesarakʼ rajokʼ irạlakʼ bochorre uni do Jehoyakin bondikateye idikedea.

Jirimiạ 21:10

Iń do niạ nagraharen bhalạiyicʼ doń baṅkana menkhan loksan lạgitʼge monreń goṭa dohoakada. Babelren rajakʼ tire noa do emogokʼa, uni do seṅgelteye ḍahao maraoa.’

Jirimiạ 27:8

“Menkhan jãhãe jạtrenko se rajosṭi jodi Babel raj Nebukadnesar ren golam bako hoyokʼ se uniyakʼ arãṛ bako gog enḍekhan onko jạtrenko do lạṛhại, akal ar mahamạriteń sạjạikoa tin hạbicʼ onko jạtrenko uni tite bạń maraoko.

Jirimiạ 39:8

Babelrenko do rajakʼ oṛakʼre ar hoṛkoakʼ oṛakʼkore seṅgelko jeretʼada ar Jerusalem reakʼ pạcriko rạputʼkeda.

Jeheskel 17:15

Menkhan uni disạm cakʼlaoyicʼ do sadom ar mitʼṭen maraṅ lạṛhại phạdko ńamko lạgitʼ Misorte goḍete kolkedete Babelren raj upạrteye hulkeda. Uni do cetʼe jitạukʼgea? Okoe nonkanakʼe kạmi uni do cetʼ rehaeye ńamgea? Kiriạ teakʼe rạputʼ lekhan uni do cetʼ rukhiyại ńamgea?