Biblia Todo Logo
Bib sou entènèt

- Piblisite -




Jirimiạ 38:17 - সান্তালী বাইবেল

17 Unre Jirimiạ do Sedekiại metadea, “Israelren phạdkoren Probhu Isore meneda, ‘Babel rajren subedar ṭhen bhagao ocokʼ reakʼem aṅgocetʼ khan amakʼ jiwi do bańcaokʼtama ar noa nagraha do seṅgelte baṅ ḍahao maraokʼa; ar am gharońjrenpe bańcaokʼa.

Gade chapit la Kopi




Jirimiạ 38:17
19 Referans Kwoze  

Jihudạren raj Sedekiạ do ona sombatgeń lạiyadea, “Babelren rajakʼ arãṛ gogme; uni ar uniren hoṛkoren golam hoyokʼme, enḍekhan am dom bańcaokʼa.


Jirimiạ doe menetʼ tahẽkana, “Probhu Isor do noa kathae meneda, ‘jãhãege noa nagrahareye tahen uni do lạṛhại talate ar baṅkhan akalte ar baṅkhan mahamạriteye gujukʼa, menkhan okoe Babelrenko ṭhene calakʼ uni do bae gujukʼa. Uni do jãhãlekate acʼakʼ jiwiye rukhiyạitaea.


Onkoakʼ katha do alogepe ańjoma. Ape do Babelren raj sapʼsoraepe, enḍekhan ape dope bańcaokʼa. Noa nagraha do cedakʼ jarkharokʼa?


Unre Babel rajren sanam rajkạmiyạko, metakʼme Nergal Saretser, Samgar Nebo, Sarkim ńutuman mitʼṭen maraṅ kạmiạyicʼ; Nergal Saretser ńutuman cetan hudạren mitʼ rajren kạmiạyicʼ ar Babel rajren eṭakʼ sanam kạmiyạko do hecʼkate tala phaṭok duạr ṭhenko duṛupʼena.


Unre Jihudạren raj Jehoyakin, uniren eṅgattetʼ, uniren gokʼṛoyicʼ, uniren subedarko ar uniren gutiko jotoge Nebukadenesarakʼ tireko jimạyena. Nebukadenesarakʼ rajokʼ irạlakʼ bochorre uni do Jehoyakin bondikateye idikedea.


Onate iń doń bondi ocopea ar Damesek hanasateń kolpea. Noa katha do iń Probhu Isorgeń meneda.”


E sanam daṛeanicʼ Isor, am do ruạṛ hijukʼme; serma khon oyoṅkate ńelme ar noa darkha nạ̃ṛĩ baṛe hiri idiyme.


E sanam daṛeanicʼ Isor, am do lahate leka beretʼleme; amakʼ daya reakʼ marsal do ale cetanre paṛaokʼma, onate ale do bańcaole ńama.


Onate ińakʼ bõs do ṭikạu tahena ar jaejug amakʼ ṭhonokʼ hoyokʼa. Unre hoṛko mena, ‘sanam daṛean Probhu Isor do Israelkoren Isor kanae! Sạrige Israelkoren Isor kanae’! Ar amren guti Dạudakʼ bõs do am samaṅre ṭikạu tahena.


Menkhan jotowakʼre uni do bin bodolicʼ kanae, okoege uni do bako tạkicʼ daram daṛekea; ar uni okae kusiyakʼ onageye kạmikana.


Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.


Onate onkom metakoa, am dom ińren misera kana. Ar am iạte onko do iń sãote bhageko beohara ar jiwetʼko dohoyińạ.”


Jihudạren raj Jehoyakine bondi idi ocokʼ reakʼ pegel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel eaeyakʼ dinre Jehoyakin do hajot khone aṛakʼkedea.


“Menkhan jãhãe jạtrenko se rajosṭi jodi Babel raj Nebukadnesar ren golam bako hoyokʼ se uniyakʼ arãṛ bako gog enḍekhan onko jạtrenko do lạṛhại, akal ar mahamạriteń sạjạikoa tin hạbicʼ onko jạtrenko uni tite bạń maraoko.


Saphanren goṛomtetʼ koṛa, metakʼme Ahikamren hopon Gedaliạ do onko ar onkoren hoṛko ṭhen kiriạkate noa kathae metatʼkoa, “Babelrenko gobolre tahen do alope botorokʼa; disạmre girobasokʼpe ar Babel raj gobolre hijukʼpe, onate ape do bhage hoyokʼtapea.


onḍe iń samaṅre Israelren Isorakʼ ṭhonok tahẽkana, okaṭakʼ do bilạn ṭạnḍire dorson hoteteń ńelletʼ.


“Ńitokʼ iń do Israelren phạdkoren Probhu Isoriń meneda, cedakʼ apnarte nunạkʼ bạṛicʼakʼ dope kạmikana? Ape do herelko, maejiuko, ńir keṭecʼ gidrạko, nunu gidrạko Jihudạ khonpe oḍok ạguketʼkote apnartege onkope maraoetʼkoa.


Swiv nou:

Piblisite


Piblisite