Jirimiạ 37:21 - সান্তালী বাইবেল

²¹ Unre Sedekiạwakʼ hukum iạte Jirimiạ do pahradarkoakʼ racareko dohokadea, ar goṭa nagrahare piṭhạ ạuri cabakʼ hạbicʼ din hilokʼ piṭhạ bekʼnaoko do kulhi khon mitʼṭecʼkate piṭhạko emaekan tahẽkana. Ar nonkate Jirimiạ do pahradarkoakʼ racaregeye tahẽyena.

Jirimiạ 37:21 Referans Kwoze

Jirimiạ 38:28

Babelrenko do tinạkʼ din Jerusalemko dokholakatʼ tahẽkan unạkʼ din Jirimiạ do pahradarkoakʼ ona racaregeye tahẽyena.

Jirimiạ 38:13

Unre onko do baberte kuń khon uniko or rakapʼkedea. Inạ tayom Jirimiạ do pahradarkoakʼ racaregeye tahẽyena.

Jirimiạ 52:6

Ar ponakʼ cando reakʼ areakʼ dinre nagrahare akal iạte nonka hoyena, hoṛkoakʼ jomakʼ lạgitʼ cetʼge baṅ tahẽlena.

Jirimiạ 38:9

“E ińren kisạ̃ṛ maharaj, noko hoṛ do Jirimiạ nạbi cetanre okako ceka akatʼ ona do behokakʼ kana. Onko do kuńre uniko giḍi akadea; uni do onḍe reṅgecʼteye gujukʼa, ente nagrahare ar piṭhạge bạnukʼa.”

Jirimiạ 32:2

Unre Babel rajren lạṛhại phạdko do Jerusalemko gherao esetʼ akatʼ tahẽkana ar Jirimiạ do raj oṛakʼ reakʼ pahradarkoakʼ racareko bondi akade tahẽkana. Uni do onḍegeye tahẽkana,

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

2 Rapajko 25:3

Ar ponakʼ cando reakʼ areyakʼ dinre nagrahare akal iạte nonka hoyena, hoṛkoakʼ jomakʼ lạgitʼ cetʼge baṅ tahẽlena.

Jobakʼ 5:20

Akalre uni do gujukʼ khone rukhiyạmea, ar lạṛhạire tarwaṛe reakʼ ghạl khone bańcaomea.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

2Timothi 1:8

Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Aposkạmi 28:30

Ar Pạul do purạ bar bochor acʼakʼ bhaṛa oṛakʼreye tahẽkana ar acʼ ṭhen bolokʼ sanamkogeye ataṅetʼko tahẽkana.

Aposkạmi 28:16

Ar Romtele seṭeren khan Pạul do acʼ eskarge mitʼṭecʼ oṛakʼre tahen lạgitʼ hukume ńamkeda. Ar mitʼṭen palṭon do uniye pahrayede kan tahẽkana.

Aposkạmi 24:27

Ado bar bochor paromen khan Pheliks bodol Porkius Phestuse bahalena. Ar Pheliks do Jihudiko kusi ocoko lạgitʼ Pạul do hajotregeye doho oṭokadea.

Aposkạmi 12:5

Onatege Patras do hajotreye doho ocokʼkan tahẽkana. Menkhan manḍerren hoṛko do uni lạgitʼ Isor ṭhen mitʼ monteko koejoṅkan tahẽkana.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Rak̕joṅ 5:10

Aleakʼ harta do bhaṭa leka dhipạu akana; reṅgecʼ reakʼ jaljalao iạte.

Jirimiạ 32:8

Unre Probhu Isorakʼ katha leka iń kakaren hopon Hanamel do pahradarkoakʼ racare iń ṭhen hecʼkateye metadińạ, ‘Benjamin ṭoṭhako reakʼ Anathotre ińakʼ oka jumi menakʼ ona do amge hataome. Ona chaḍao ar dokhol reakʼ hok ạidạri do amakʼ kangea onate amge ona do kirińme.’ “Ińiń baḍaekan tahẽkana noa do Probhu Isorakʼ katha kana:

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

Sereńko 37:19

Dukokʼ dinre onko do lajaore bako paṛaokʼa; ar akal dinkore onko do jomakʼko ńama.

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Jirimiạ 33:1

Jirimiạ do unhõ pahradarkoakʼ racare bondi akane tahẽkana ar nonkan oktere Probhu Isorakʼ katha do dosar dhao uni ṭhen sodorena,

Jirimiạ 38:6

Unre onko do Jirimiạko sapʼkedea ar rajren hopon Malkiạwakʼ kuńreko bhoraokedea. Noa kuń do pahradarkoakʼ raca talarege tahẽkana. Ar Jirimiạ do baberte tolkate ona kuńreko pheḍkadea. Ona kuńre dakʼ do baṅ, menkhan eken losotʼge tahẽkana; ar Jirimiạ do ona losotʼreye unumokʼkan tahẽkana.

Jirimiạ 20:2

Uni do Jirimiạ nạbiye dalkedete Probhu Isorakʼ oṛakʼ sor reakʼ cetan ṭhạ̃ire Benjamin phaṭok duạr ṭhen haṛi paṭakateye dohokadea.