Jirimiạ 36:9 - সান্তালী বাইবেল

⁹ Josiạ hopon Jihudạren raj Jehoyakimakʼ rajokʼ mõṛẽakʼ bochor reakʼ areakʼ candore Jerusalemren sanam hoṛko ar Jihudạ nagrahako khon hecʼakan hoṛko lạgitʼ Probhu Isor samaṅre upạs reakʼ kathae lại jạhirkeda.

Jirimiạ 36:9 Referans Kwoze

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

Jona 3:5

Unre Niniwiren hoṛko do Isorakʼ kathareko pạtiạuena. Ar upạs reakʼko lại sodorkeda ar huḍiń khon hapṛakʼ sanamkoge gõṛẽ kicricʼko horokʼkeda.

Jirimiạ 36:22

Unre areakʼ cando tahẽkana. Ar raj do rabaṅ din khemao reakʼ oṛakʼreye duṛupʼ akan tahẽkana ar uni samaṅre seṅgel reakʼ karahere seṅgel do jolokʼkan tahẽkana.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Sakariạ 8:19

“Ponakʼ, mõṛẽakʼ, eaeakʼ ar gelakʼ cando reakʼ upạs do Jihudiko lạgitʼ rạskạteakʼ, kusiyakʼ ar bhạlạiyanakʼ porobge hoyokʼa. Onate ape do sạriyakʼ ar sulukge dulạṛpe.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Jirimiạ 36:1

Josiạ hopon Jihudạren raj Jehoyakimakʼ rajokʼ ponakʼ bochorre Probhu Isorakʼ noa katha do Jirimiạ ṭhen sodorena,

Nehemiạ 9:1

Inạ cando reakʼ bargel ponakʼ dinre Israelko do mitʼ ṭhenko jarwayena ar gõṛẽ kicricʼko horokʼketʼte, bohokʼre dhuṛiko ojokʼana arko upạskeda,

Levitikus 23:27

“Niạ eae cando reakʼ gelakʼ din do kại ńutumte puruchun reakʼ din kana. Ona din do apeakʼ mitʼṭecʼ sonot jarwakʼpe hoeocoya ar apnarakʼ jiwipe nindhạntapea. Ar apeakʼ ona din do Probhu Isor ńutumte seṅgelteakʼ samaṅokʼakʼpe samaṅa.

Bikʼcạrko 20:26

Unre Israelren sanam hoṛ do arhõ Bethelte senkate Probhu Isor samaṅre duṛupʼkate rarakʼko ehopʼena. Enhilokʼ onko do ạyupʼ hạbicʼko upạskeda ar Probhu Isor ńutumte jeredokʼ ar sulukren samaṅokʼakʼko samaṅkeda.

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.

Jirimiạ 36:6

Onate am do mitʼṭecʼ upạs dinre Probhu Isorakʼ oṛakʼte bolokate noa puthire olakʼ Probhu Isorakʼ katha hoṛkom paṛhao ańjomakoa one oka do ińakʼ moca khonem ańjomakatʼ. Ar Jihudạren hoṛko okoe do akoakʼ nagraha khonko hijukʼ onko sanamko hõ onam paṛhao ańjomakoa.

Joel 1:14

Ape do sonot upạs reakʼ bebostaepe; mitʼṭecʼ sabha baṛe hoeocoype. Murubbiko ar disạmre girobasokʼ kan sanamko aperen Probhu Isorakʼ oṛakʼre hoho ạgukope ar Probhu Isor ṭhen rakʼ joṅpe.