Jirimiạ 36:8 - সান্তালী বাইবেল

⁸ Jirimiạ do Neriạren hopon Baruk oka kạmi reakʼ kathae metade tahẽkan uni do jotogeye kạmikeda; uni do Probhu Isorakʼ oṛakʼre ona puthi khone paṛhao ańjomatʼkoa.

Jirimiạ 36:8 Referans Kwoze

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

1 Korinthiko 16:10

Ńelpe, Timothiye hecʼlen khan apeko talare jemon bin botorteye tahẽdaṛeakʼ, ente cetʼleka Probhu Isorakʼ iń kạmikan onkage uni hõe kạmikana.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Jirimiạ 36:4

Unre Jirimiạ do Neriạren hopon Baruke hohoadea ar Probhu Isor okaṭakʼ katha roroṛe metade tahẽkan uniyakʼ moca khon ańjomkate Baruk do guṛhạwakʼ puthire onako jotowakʼe olkeda.

Nehemiạ 8:3

Ar dakʼ phaṭok samaṅ reakʼ maedan secʼ samaṅkate uni do herel, maejiu ar eṭakʼ okoeko bujhạu daṛeakʼ onko do setakʼ khon tikin hạbicʼe paṛhao ańjomatʼkoa, ar hoṛko do goṭa monte ona ạn-ạri puthi reakʼ kathako ańjomkeda.

Jirimiạ 32:12

Ona tayom do iń kakaren koṛa Hanamel samaṅre okoe gohako dolelreko suhiletʼ onko ar pahradarkoakʼ racareko duṛupʼ akan tahẽkan sanam Jihudiko samaṅre ona dolel do Neriạren hopon Barukiń emadea. Nui Neriạ do Maseyaren hopone tahẽkana.

Jirimiạ 36:6

Onate am do mitʼṭecʼ upạs dinre Probhu Isorakʼ oṛakʼte bolokate noa puthire olakʼ Probhu Isorakʼ katha hoṛkom paṛhao ańjomakoa one oka do ińakʼ moca khonem ańjomakatʼ. Ar Jihudạren hoṛko okoe do akoakʼ nagraha khonko hijukʼ onko sanamko hõ onam paṛhao ańjomakoa.