Jirimiạ 36:7 - সান্তালী বাইবেল

⁷ Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jirimiạ 36:7 Referans Kwoze

Jirimiạ 36:3

Jihudạren hoṛko cetanre okako muhin paṛao ocoy reakʼ kathań ṭhik dohoakatʼ onko do onako muhin reakʼ katha ańjomkate pasere pase bạṛicʼ hor khonko ruạṛ botejokʼ; ar jemon onkoakʼ ghạṭ ar kạiyiń ikạ daṛeatako.”

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Jirimiạ 21:5

Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

2 Rapajko 22:13

“Nokʼõe noa puthi okaṭakʼ ńam akan onare okako katha olakan onako katha reaṅ ape do senkate iń lạgitʼ ar nonḍe ar sanam Jihudạren hoṛko lạgitʼ Probhu Isor ṭhen kulijoṅpe. Probhu Isor do abo upạrte edreteye jal jalao akana, ente aboren hapṛamko do niạ puthi reakʼ katha leka bako taṛamleda ar bako manaoleda ar onare okako katha ol menakʼ ona leka hõ bako kạmileda.

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.

Jona 3:8

Manwa ar janwar sanamkoge jemon gõṛẽ kicricʼteko oyokʼma. Ar mitʼke mitʼ hoṛ do goṭa daṛete Isorko hohoaema ar bạṛicʼ hor khonko ruạṛokʼma ar bạṛicʼakʼ kạmiko bạgiyma.

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Jeheskel 22:20

Hoṛko do cetʼleka rupạ, pitạl, ṭin, mẽṛhẽtʼ, ar sisạ jarwakate bhaṭa reakʼ seṅgel salgaokateko galao onkage ińakʼ edre ar khĩs do nagraha talare jarwakateye galaopea.

Jeheskel 20:33

Iń Probhu Isorge ińakʼ ńutumte kiriạkateń meneda, ińakʼ daṛeanakʼ ti tiyạrkate edreń dulapete ape cetanreń rajokʼa.

Jeheskel 13:13

“ ‘Iń do edrete ińakʼ birbão hoeyiń hoeocoya. Ińakʼ edre ar khĩste lạṭu lạṭu arel ar jhar jhar dakte onań marao giḍikakʼa.

Jeheskel 8:18

Onatege iń do edre seṅgelte onko sãoteń beohara; ar mãyãte do bạń beṅgetʼakoa ar aṛakʼ hõ bạń aṛakʼkoa. Ar ińakʼ lutur ṭhen ãṭ aṛaṅteko ragrehõ bạń ańjomtakoa.”

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Jirimiạ 26:3

Hoedaṛeakʼa onko do onako ańjoma ar akoakʼ bạṛicʼ hor khonko ruạṛ hijukʼa. Ar onkoakʼ behokakʼ iạte onko cetanre okaṭakʼ muhin ạgui lạgitʼ iń goṭa akatʼ ona do ar bạń paṛao ocoya.

Jirimiạ 25:5

Onko do Probhu Isorakʼ noa kathako metatʼko tahẽkana, ‘Ape do ńitokʼ apeakʼ bạṛicʼ hor ar bạṛicʼ kạmiko khon ruạṛokʼpe, enḍekhan oka disạm aperen hapṛamkoń ematʼko tahẽkan ona disạmre ape do jaejug hạbicʼpe tahẽdaṛeakʼa.

Jirimiạ 19:15

“Israelren Isor phạdkoren Probhu Isore meneda, ‘ańjompe, iń do niạ nagraha ar ona aḍepase reakʼ atoko cetanre oka ghoṭna paṛao ocoe reakʼ kathań menakatʼ ona do onko cetanreń paṛao ocoya, ente onko do hoṭokʼko keṭecʼ akatʼtakoa ar ińakʼ katha hõ bako ańjomleda.’ ”

Jirimiạ 16:10

“Noko hoṛko niạko katham jạhirako tayom tinre amko kulimea, ‘Cetʼ iạte Probhu Isor do ale upạrte nonkan muhin reakʼ kathae roṛeda? Ar aleakʼ ghạṭ do cetʼ kantalea? Aboren Probhu Isor upạrte ale do cetʼle kại akada?’

Jirimiạ 1:3

Josiạren hopon Jihudạren raj Jehoyakimakʼ rajokʼ okte khon Jihudạren raj Josiạren hopon Sedekiại rajokʼ gel mitʼ bochor reakʼ mõṛẽ cando hạbicʼ Probhu Isorakʼ katha do arhõ sodorena. Ar inạ candoge Jerusalemren hoṛko do bondikateko idi ocolena.

2 Bõsbudạ 34:21

“Okaṭakʼ puthi ńamen onare cetʼ ol menakʼa ona do senkate Israel ar Jihudạren sarecʼ hoṛko lạgitʼ Probhu Isor ṭhen kulijoṅpe. Aboren hapṛamko do Probhu Isorakʼ katha leka bako senlente ar niạ puthire olakan lekahõ bako kạmiletʼte uniyakʼ edre do abore paṛao akana.”

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Jirimiạ 37:20

Ńitokʼ do, E ińren kisạ̃ṛ maharaj, nehõrokʼ kạnạń, dayakate ańjomtińme. Am samaṅre iń do noa nehõriń dohoyeda olokʼicʼ Jonathanakʼ oṛakʼte do alom kolkạńạ, arem kolliń khan iń do onḍegeń gujukʼa.”

Jeheskel 12:3

“Onatege E manwa hopon, am do sạṅgińtem bondi idi ocokʼkana ar onkage amakʼ jinisko hõ samṭaotam ar onkoakʼ mẽtʼãhã samaṅte siń marsalrege oḍokokʼme; ar okare menam onḍe khon eṭakʼ jaegate calakʼme. Pasecʼ onko do mitʼṭen huhulkan jạtren hoṛ kanako menteko bujhạu daṛeakʼa.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.