Jirimiạ 36:4 - সান্তালী বাইবেল

⁴ Unre Jirimiạ do Neriạren hopon Baruke hohoadea ar Probhu Isor okaṭakʼ katha roroṛe metade tahẽkan uniyakʼ moca khon ańjomkate Baruk do guṛhạwakʼ puthire onako jotowakʼe olkeda.

Jirimiạ 36:4 Referans Kwoze

Jirimiạ 32:12

Ona tayom do iń kakaren koṛa Hanamel samaṅre okoe gohako dolelreko suhiletʼ onko ar pahradarkoakʼ racareko duṛupʼ akan tahẽkan sanam Jihudiko samaṅre ona dolel do Neriạren hopon Barukiń emadea. Nui Neriạ do Maseyaren hopone tahẽkana.

Jeheskel 2:9

Unre beṅgetʼkateń ńelkeda iń secʼ mitʼṭecʼ ti do tiạr akana. Ar onare mitʼṭecʼ guṛhe puthi menakʼa.

Jirimiạ 36:32

Unre Jirimiạ do ar mitʼṭecʼ guṛhạ dohoakatʼ puthi hataokate Neriạren hopon Baruke emadea; ar okaṭakʼ puthi do Jihudạren raj Jehoyakim seṅgelteye jeretʼ giḍiletʼ ar onare okako ol tahẽkan onako kathage Jirimiạwakʼ moca khon ańjomkate Baruk do arhõe olkeda. Ar ona lekan arhõ aema kathako hõ ona sãote juṭucʼ idiyena.

Jirimiạ 43:3

Menkhan Neriạren hopon Baruk do ale upạrte ame uskur akatʼmea jemon Babelrenkoakʼ tirem soprotle arko gocʼle se bondikate Babelteko idile.”

Romiko lạgitʼ Pạul Apostolakʼ ciṭhi 16:22

Iń Tertiusge, Pạulakʼ noa ciṭhi doń oletʼkana. Probhu Isorren hoṛ lekate iń hõ apekoń joharape kana.

Sakariạ 5:1

Iń do arhõ beṅgetʼkateń ńelkeda oṭakʼ akan guṛhạ puthi do uḍạukʼkana.

Jirimiạ 36:28

“Ar Jihudạren raj Jehoyakim okaṭakʼ puthiye jeretʼ giḍiletʼ ona pạhilakʼ puthire okako ol tahẽkan ona jotoge ar mitʼṭecʼ guṛhạ puthire olme.

Jirimiạ 36:26

Ona bodolte uni do olokʼicʼ Baruk ar Jirimiạ nạbi tạkin sapʼ ạgukin lạgitʼ raj hopon Jirohomel, Asrayelren hopon Sorae ar Abdiyelren hopon Selimi takoye hukumatʼkoa. Menkhan Probhu Isor do unkine oko dohokatʼkinạ.

Jirimiạ 36:23

Jehudi do ona puthi khon pe pon sakame paṛhaoketʼ khan raj do olokʼicʼakʼ churite ona hĩskoe getʼ kuṭrạkeda ar seṅgelreye khadlekeda; nonkate purạ puthige seṅgelteye atar giḍikada.

Jirimiạ 36:21

Unre raj do ona puthi ạguiy lạgitʼ Jehudiye kolkadea. Ar Jehudi do olokʼicʼ Elisamawakʼ kandha khon ona guṛhe puthi ạgukate raj ar uni aṛere teṅgo akan sanam rajkạmiyạko samaṅre ona paṛhao ańjomakoe ehopʼena.

Jesaea 8:1

Probhu Isor do ińe metadińạ, “Am do mitʼṭecʼ maraṅ okocʼ cạkti dhirire disạmren hoṛkoakʼ tite olakʼ leka niạ katha olme, Maher-Salal-Has-Bas (Mane do ‘Usạra luṭ reakʼ, ạḍi usạrage recʼ reakʼ’).

Jirimiạ 25:13

Iń do onako sanam disạm upạrte okako kathań roṛletʼ okaṭakʼ do noa puthire ol menakʼ, metakʼme sanam jạtrenko upạrte Jirimiạ nạbi oka kathae nạbiyakatʼ ona disạmre iń do onakoń paṛao ocoya.

Jirimiạ 30:2

“Iń Israelren Probhu Isorgeń meneda, am okako kathań galmarao akatʼme ona joto do mitʼṭecʼ puthire ol dohoyme,

Jirimiạ 36:6

Onate am do mitʼṭecʼ upạs dinre Probhu Isorakʼ oṛakʼte bolokate noa puthire olakʼ Probhu Isorakʼ katha hoṛkom paṛhao ańjomakoa one oka do ińakʼ moca khonem ańjomakatʼ. Ar Jihudạren hoṛko okoe do akoakʼ nagraha khonko hijukʼ onko sanamko hõ onam paṛhao ańjomakoa.

Jirimiạ 36:14

unre sanam rajkạmiyạko do Nethaniạl hopon Jehudi hotete Baruk ṭhenko roṛgotʼkada, “Okaṭakʼ puthi khon hoṛkom paṛhao ańjomatʼko ona do nonḍe ạguiyme.” Nethaniạl do Selemiạren hopone tahẽkana, ar Selemiạ do Kusren hoponge. Unre Neriạren hopon Baruk do ona puthi hataokate onko ṭhene senena.

Jirimiạ 36:27

Jirimiạwakʼ nạbi kathako Baruk okaṭakʼ puthireye olletʼ raj do onae jeretʼ giḍikatʼ khan Probhu Isorakʼ noa katha do Jirimiạ ṭhen hecʼena,

Jirimiạ 51:59

Jihudạren raj Sedekiạwakʼ rajokʼ ponakʼ bochorre Maseyarren goṛomtetʼ koṛa, metakʼme Neriạ hopon Seray okoe do rajren kạmiyicʼe tahẽkan, uni do tinre raj sãote Babelteye senlena unre Jirimiạ do thoṛa hukume emade tahẽkana.

Jirimiạ 51:60

Babel cetanre okako muhin hijukʼ, metakʼme Babel reaṅ okako katha ol hoylen Jirimiạ do ona mitʼṭecʼ guṛhạ puthireye ol doholeda.

Daniel 7:1

Babelren raj Beltsasare rajokʼ pạhil bochorre Daniel do acʼakʼ aṭetʼreye giticʼakan tahẽkanre acʼakʼ bohokʼre hecʼen kukmũ ar dorsonkoe ńelkeda ar nokʼõe nonka onako reakʼ guṭtetʼe ol dohokeda. “Ńindạ jokhecʼ iń do dorsonteń ńelkeda, serma reakʼ ponea hoe do mitʼṭecʼ maraṅ jalapuriko uṭlạu rakapʼkeda.

Jesaea 30:8

Am do ńitokʼ mitʼṭecʼ dhiri paṭare ar mitʼṭecʼ puthire ol dohoyme, jemon darakan dinkore ona do Israelko lạgitʼ mitʼṭecʼ jaejug reakʼ goha leka tahen.