Jirimiạ 36:21 - সান্তালী বাইবেল

²¹ Unre raj do ona puthi ạguiy lạgitʼ Jehudiye kolkadea. Ar Jehudi do olokʼicʼ Elisamawakʼ kandha khon ona guṛhe puthi ạgukate raj ar uni aṛere teṅgo akan sanam rajkạmiyạko samaṅre ona paṛhao ańjomakoe ehopʼena.

Jirimiạ 36:21 Referans Kwoze

2 Rapajko 22:10

Unre olokʼicʼ do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raj onae paṛhao ańjomadea.

2 Bõsbudạ 34:18

Unre olokʼicʼ Saphan do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raje paṛhao ańjomadea.

Jirimiạ 36:15

Onko do Barukko metadea, “Dayakate ma duṛupʼme ar ona paṛhao ańjomaleme.” Unre Baruk do onkoe paṛhao ańjomatʼkoa.

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jirimiạ 36:14

unre sanam rajkạmiyạko do Nethaniạl hopon Jehudi hotete Baruk ṭhenko roṛgotʼkada, “Okaṭakʼ puthi khon hoṛkom paṛhao ańjomatʼko ona do nonḍe ạguiyme.” Nethaniạl do Selemiạren hopone tahẽkana, ar Selemiạ do Kusren hoponge. Unre Neriạren hopon Baruk do ona puthi hataokate onko ṭhene senena.