Jirimiạ 36:12 - সান্তালী বাইবেল

¹² unre uni do raj oṛakʼ talare olokʼicʼakʼ kandhateye boloyena; onḍe do sanam rajkạmiyạko, metakʼme olokʼicʼ Elisama, Semayaren hopon Delaya, Akborren hopon Elnathan, Saphan hopon Gemariạ, Hanani hopon Sedekiạ ar eṭakʼ sanam mukhiyạkoko duṛupʼ akan tahẽkana.

Jirimiạ 36:12 Referans Kwoze

Jirimiạ 26:22

Jehoyakim raj do unre Akbor hopon Elnathan ar uni sãoten arhõ thoṛa hoṛ Misorteye kolketʼkoa.

Jirimiạ 36:25

Elnathan, Delaya ar Gemariạ do ona puthi alo rapag lạgitʼ rajko nehõrade tahẽkana, menkhan raj do onkoakʼ katha bae ańjomletʼtakoa.

2 Rapajko 22:12

Uni do naeke Hilkiạ, Saphanren hopon Ahikam, Mikaren hopon Akbor, Saphan ar rajren gokʼṛoyicʼ Asayateko noae hukumatʼkoa,

Jirimiạ 41:1

Elisamaren goṛomtetʼ koṛa Nethaniạ hopon Ismael do raj bõsren hoṛe tahẽkana ar uni do cetan hudạren mitʼṭen rajkạmiyạ hoṛge. Eaeakʼ candore uni do gel hoṛko soṅgekate Mispate Ahikamren hopon Gedaliạ ṭhene hecʼena. Onko do tinre mitʼteko jojomkan tahẽkana, unre Ismael ar uni soṅgeten onko gel hoṛ do Babel rajren bahalicʼ disạm cakʼlaoyicʼ Gedaliạ do tarwaṛeteko gocʼkedea.

2 Rapajko 24:8

Jehoyakin do gel irạl bochor umerre raje hoylena ar pe cando Jerusalemre raje calaokeda. Uniren eṅgatakʼ ńutum do Nehusṭa tahẽkana; uni do Jerusalem nagraha Elnathanren hoponerae tahẽkana.

2 Rapajko 22:14

Niạ katha ańjomkate naeke Hilkiạ, Ahikam, Akbar, Saphan ar Asaya do maejiu nạbi Hulda ṭhen senkate uni tulucʼko galmaraokeda. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Ar Salum do Harhasren goṛomtetʼ koṛa, metakʼme Tikwaren hopone tahẽkana. Hulda do Jerusalem reakʼ dosar atoregeye girobasokʼ kan tahẽkana.

2 Rapajko 22:3

Josiạ rajakʼ rajokʼ gel irạlakʼ bochorre uni do Mesulamren goṛomtetʼ koṛa, metakʼme Asaliạ hopon rajren olokʼicʼ Saphan do niạ katha menkate Probhu Isorakʼ oṛakʼteye kolkedeteye metadea,

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

Jirimiạ 26:10

Jihudạren rajkạmiyạko do noa kathako ańjomketʼ khan raj oṛakʼ khon Probhu Isorakʼ oṛakʼteko hecʼena ar Probhu Isorakʼ oṛakʼ reakʼ nãwã phaṭok duạrte bolokʼ hor ṭhenko duṛupʼena.

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.