Jirimiạ 36:10 - সান্তালী বাইবেল

¹⁰ Unre Probhu Isorakʼ oṛakʼ reakʼ nãwã phaṭok duạr ṭhen cetan reakʼ bakher racare Saphan hopon Gemariạ olokʼicʼakʼ kandhare teṅgokate Baruk do ona puthi khon Jirimiạ reakʼ kathako sanam hoṛkoe paṛhao ańjomatʼkoa.

Jirimiạ 36:10 Referans Kwoze

Jirimiạ 36:11

Saphanren goṛomtetʼ koṛa, metakʼme Gemariạren hopon Mikạ do tinre ona puthi khon Probhu Isorakʼ sanam kathakoe paṛhao ańjomatʼkoa,

Jirimiạ 52:25

Ar okoe do unhõ nagrahareko tahẽkan onko mod khon uni do birbão hoṛko cetanre bahal akade mitʼṭecʼ kạmiyạ hoṛ ar rajren eae goṭen sopolhakoe sapʼketʼkoa. Ona chaḍa subedarren olokʼicʼ, okoe do lạṛhại phạdre hoṛkoe bhoraoetʼko tahẽkan uni ar nagrahareko ńamen arhõ turuigel hoṛkoe sapʼketʼkoa.

Jirimiạ 26:10

Jihudạren rajkạmiyạko do noa kathako ańjomketʼ khan raj oṛakʼ khon Probhu Isorakʼ oṛakʼteko hecʼena ar Probhu Isorakʼ oṛakʼ reakʼ nãwã phaṭok duạrte bolokʼ hor ṭhenko duṛupʼena.

Jirimiạ 36:25

Elnathan, Delaya ar Gemariạ do ona puthi alo rapag lạgitʼ rajko nehõrade tahẽkana, menkhan raj do onkoakʼ katha bae ańjomletʼtakoa.

2 Samuel 8:17

Ar Ahiṭubren hopon Sadok ar Abiatharren hopon Ahimelok tạkin do naekekin tahekana ar Seraya do rajren olokʼicʼe tahẽkana.

Jirimiạ 36:8

Jirimiạ do Neriạren hopon Baruk oka kạmi reakʼ kathae metade tahẽkan uni do jotogeye kạmikeda; uni do Probhu Isorakʼ oṛakʼre ona puthi khone paṛhao ańjomatʼkoa.

Jirimiạ 36:6

Onate am do mitʼṭecʼ upạs dinre Probhu Isorakʼ oṛakʼte bolokate noa puthire olakʼ Probhu Isorakʼ katha hoṛkom paṛhao ańjomakoa one oka do ińakʼ moca khonem ańjomakatʼ. Ar Jihudạren hoṛko okoe do akoakʼ nagraha khonko hijukʼ onko sanamko hõ onam paṛhao ańjomakoa.

Jirimiạ 35:4

Iń do Probhu Isorakʼ oṛakʼte Isorren hoṛ Igdaliaren hopon Hananren hoponkoakʼ kandhateń idiketʼkoa. Ona do Salumren hopon pahradar Maseyawakʼ kandha cetanre kạmiyạkoakʼ kandha aṛere tahẽkana.

Jirimiạ 29:3

Jihudạren Sedekiạ raj do Saphan hopon Elasa ar Hilkiạ hopon Gemaria do Nebukadnesar raj ṭhene kolletʼkina, ar Jirimiạ do unkin tite noa ciṭhiye kolleda. Onare ol tahẽkana:

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.

2 Rapajko 18:37

Inạ tayom raj oṛakʼren mukhiyạko do Hiskiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko do akoakʼ kicricʼko oṛecʼketʼte Hiskiạ ṭhenko ruạṛ calaoena ar Rabsake cetʼkoe roṛketʼ ona jotowakʼko lạiyadea.

2 Rapajko 15:35

Menkhan uni do than boṭkocʼko bae marao utạrleda. Ar hoṛko hõ onakore janwar dãṛẽ ar dhupko jeretʼetʼ tahẽkana. Jotham do Probhu Isorakʼ oṛakʼ reakʼ pạcri reakʼ cetan senakʼ duạre jut aro ocokeda.

2 Samuel 20:25

Sewa do rajren olokʼicʼ; ar Sadok ar Abiathar do naekekin tahẽkana

1 Rapajko 6:36

Ar napaete la-getʼakatʼ pe sạr reakʼ dhiri ar debdạru dare reakʼ mitʼ sạr reakʼ moṭa kaṭte do bhitri raca reakʼ beṛhaeteakʼ bhitkoe benaokeda.

Jirimiạ 43:3

Menkhan Neriạren hopon Baruk do ale upạrte ame uskur akatʼmea jemon Babelrenkoakʼ tirem soprotle arko gocʼle se bondikate Babelteko idile.”

Jeheskel 40:38

Bahre raca reakʼ bhitri phaṭok duạrko reakʼ kham khunṭi aṛere mitʼ secʼ jhicʼ akatʼ mitʼṭecʼ kandha tahẽkana; ona do jeredokʼ samaṅokʼ janwarkoakʼ jel ạrupʼ ṭhạ̃i tahẽkana.

2 Rapajko 22:3

Josiạ rajakʼ rajokʼ gel irạlakʼ bochorre uni do Mesulamren goṛomtetʼ koṛa, metakʼme Asaliạ hopon rajren olokʼicʼ Saphan do niạ katha menkate Probhu Isorakʼ oṛakʼteye kolkedeteye metadea,