Jirimiạ 35:6 - সান্তালী বাইবেল

⁶ Menkhan onko doko roṛ ruạṛkeda, “Darkha rasa do bale ńũiya, ente aleren hapṛam Rekabiạren hopon Jonadab do noa reakʼe mana akatʼlea, ‘ape se aperen hoponko darkha rasa do alope ńũiya.

Jirimiạ 35:6 Referans Kwoze

Luk 1:15

Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

2 Rapajko 10:15

Ar Jihu do onḍe khone calaoen khan Rekabren hopon Jehonadab sãoteye ńapamena. Uni do Jihu sãote ńapamokʼ lạgitʼgeye hecʼlena. Jihu do uni joharadeteye metadea, “Cetʼ leka am secʼ minạń onkage cetʼ amhõ iń secʼ menama?” Jehonadabe roṛ ruạrkeda, “Hẽ, minạńgea.” Jihui menkeda, “Onka khan ti baṛe tiạrtam.” Jehonadab tiye tiạrketʼtae khan Jihu do acʼakʼ rãt gạḍireye rakapʼkedea.

Bikʼcạrko 13:14

Darkha rasa khon oka hoyokʼ ona reakʼ cetʼge uni do bae jom ńũ daṛeakʼa. Darkha rasa se jãhãn bubulakʼ se jãhãn chutakʼ cetʼge bae jom daṛeakʼa. Ar okaṭakʼ iń hukum akawade ona mitʼke mitʼ manao hoyokʼtaea.”

Bikʼcạrko 13:7

Uni doe metadińạ, ‘am dom bhạrti hoṛmokʼa ar amren do mitʼṭen koṛa gidrại hoyokʼtama. Onate am do ńit khon darkha rasa se jãhãn bubulakʼ se jãhãn chutakʼ jinisko alom joma, ente janam khon gujukʼ hạbicʼ uni do Isor ńutumte nạsriye hoyokʼa.’ ”

Levitikus 10:9

“Am ar amren hoponkin ape do bubulakʼ ńũkate ńapamokʼ tạmbure alope bolokʼa, arpe bololen khan ape hõpe gujukʼa. Noa do piṛhike piṛhi mitʼṭecʼ jaejug reakʼ niạmge tahena.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

Jirimiạ 35:10

Ale do tạmbukorele girobasokʼkan tahẽkana ar aleren hapṛam Jonadab okae hukum akatʼle ona jotoge purạtele manao ạguyetʼkana.

Sereńko 105:12

Onko do thoṛako tahẽkanre, hẽ ạḍi thoṛako tahẽkana, ar onḍe do porjạtrenko lekako tahẽkana,

1 Bõsbudạ 16:19

Onko do thoṛako tahẽkana, hẽ ạḍi thoṛako tahẽkana, ar onko do onḍe porjạtrenko lekako tahẽkana,

2 Rapajko 10:23

Ar ona tayom Jihu ar Rekab hopon Jehonadab do Bakʼal debotawakʼ mundiltekin boloyena. Jihu do Bakʼal sekʼwakoe metatʼkoa, “Mońjtepe sendrakoa jemon ape sãote Probhu Isorren gutiko aloko tahen, eken Bakʼal debota sekʼwa hoṛgeko tahenma.”

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

Genesis 36:7

Esau ar Jakobren mĩhũ-merom palko do nunạkʼ ḍherko tahẽkana, unkin lạgitʼ mitʼ ṭhen girobasokʼ do muskilge tahẽkana; ar okarekin tahẽkan onḍe unkinren pal janwarko mitʼ ṭhen ạtińko leka jaega hõ baṅ tahẽkana.

Genesis 25:27

Nukin hoponkin harayen khan Esau do gạkhuṛ sikạriại hoyena. Ar bir pakaṛkore ạcur baṛaye ehopʼena, menkhan Jakob do mạ̃hirgeye tahẽkana. Uni do tạmbukore tahengeye kusiyena.

Jirimiạ 35:14

Rekabiạren hopon Jonadab do acʼren hoponko darkha rasa ńũiye baronletʼkoa ar onko do ona hukumko bataoleda. Ar teheń hõ onko do darkha rasa bako ńũiyeda, ente onko do akoren hapṛamkoakʼ hukumko bataoetʼkana. Menkhan iń do aema dhao apeń metatʼpe tahẽkanre hõ, ińakʼ katha do bape ańjomletʼtińạ.