Jirimiạ 35:4 - সান্তালী বাইবেল

⁴ Iń do Probhu Isorakʼ oṛakʼte Isorren hoṛ Igdaliaren hopon Hananren hoponkoakʼ kandhateń idiketʼkoa. Ona do Salumren hopon pahradar Maseyawakʼ kandha cetanre kạmiyạkoakʼ kandha aṛere tahẽkana.

Jirimiạ 35:4 Referans Kwoze

Dosar Biboron 33:1

Isorren hoṛ Mose do acʼakʼ gujukʼ lahare Israelko noa menkateye bhoratʼkoa,

2 Bõsbudạ 8:14

Uniren apat Dạudakʼ hukum lekate uni do naekeko dạyike emako lạgitʼ eṭakʼ eṭakʼ dolreye hạṭińketʼkoa ar dinạm hilokʼ reakʼ kạmi lekate sarhao sereń lạgitʼ ar naekeko goṛowako lạgitʼ uni do Liwikoe bahalketʼkoa. Mitʼke mitʼ phaṭok duạr lạgitʼ uni do rurukhiyạko dol lekateye bahalketʼkoa, ente nonkage Isorren hoṛ Dạud doe hukumletʼ tahẽkana.

2 Rapajko 12:9

Unre Jehoyada naeke do mitʼṭecʼ baksa hataokate ona reakʼ ḍhakna cetanre mitʼṭecʼe bhugạkʼkeda. Ona do pinḍ aṛere Probhu Isorakʼ oṛakʼ bolokʼ duạr reakʼ jojomsa aṛereye dohokada. Okoe naekeko koejoṅ oṛakʼ bolokʼ duạrko horhoyetʼ tahẽkan onko do Probhu Isorakʼ oṛakʼre ạguakʼ sanam ṭaka ona baksareko dohoyetʼ tahẽkana.

2 Rapajko 25:18

Jihudikoren maraṅ naeke Seruya, ar dosaricʼ naeke Sephaniạ ar pene pahradarko do uni rurukhiyạ dolren subedare bondi idiketʼkoa.

2 Rapajko 1:9

Inạ tayom raj do mitʼṭen subedar ar uniren mõṛẽgel lạṛhại phạdko Eliạ ṭhene kolkatʼkoa. Unre Eliạ do mitʼṭecʼ burureye duṛupʼ akan tahẽkana. Ar uni subedar do Eliạ ṭhen rakapʼ senkateye menkeda, “E Isorren hoṛ, raj do pheḍ hijukʼe metamkana.”

1 Rapajko 12:22

Menkhan Isorren hoṛ Semaya ṭhen Isorakʼ niạ katha do sodorena,

Josuạ 14:6

Jihudạ gusṭiren hoṛko do Gilgalte Josuạ ṭhenko senena ar Kenisi Jephunren hopon Kaleb do uniye metadea, “Probhu Isor do Kades-Barneare acʼren hoṛ Mose ṭhen iń ar am reaṅ okae menletʼ ona dom baḍaegea.

2Timothi 3:17

jemon Isorren hoṛ purạte lek leka hoykate bhage kạmi lạgitʼ sajakanicʼe hoydaṛeakʼ.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Jeheskel 43:8

Onko do ińakʼ oṛakʼ aṛerege akoakʼ oṛakʼko benaoletʼa; onkoakʼ oṛakʼ ar ińakʼ oṛakʼ talare eken mitʼṭecʼ bhitge tahẽkana. Onkoakʼ bạṛicʼakʼ kạmiko hotete onko do ińakʼ sonot ńutumko besonot ocoletʼtińạ. Ar onatege onko do edreteń maraoletʼkoa.

Jirimiạ 52:24

Jihudikoren maraṅ naeke Seruya, dosaricʼ naeke Sephaniạ ar pene pahradarko do uni rurukhiyạ dolren subedare bondi idiketʼkoa.

Jirimiạ 26:10

Jihudạren rajkạmiyạko do noa kathako ańjomketʼ khan raj oṛakʼ khon Probhu Isorakʼ oṛakʼteko hecʼena ar Probhu Isorakʼ oṛakʼ reakʼ nãwã phaṭok duạrte bolokʼ hor ṭhenko duṛupʼena.

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

1 Bõsbudạ 9:27

Onko do Isorakʼ oṛakʼ aṛeregeko girobasokʼ kan tahẽkana, ente ona oṛakʼ rurukhiyạ reakʼ bhar do onko cetanrege tahẽkana, ar dinạm hilokʼ setakʼre onko do duạr hõ jhicʼetʼ tahẽkana.

2 Rapajko 7:17

Okoeṭakʼ guti do raje goṛowade tahẽkan uni cetanre raj do phaṭok ńel todarot reakʼ bhare emadea, menkhan hoṛko do nonkako oḍok senena, uni do phaṭok reakʼ horreko lebetʼ gańjao oṭokedete onḍegeye gocʼena. Isorren hoṛ Elisae do acʼakʼ oṛakʼre raj okaṭakʼ kathae metade tahẽkan onkage uni doe gocʼena.

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

2 Rapajko 6:10

Onate Israelren raj do Isorren hoṛe hukum akatʼ jaegate hoṛ kolkateye sontorkatʼkoa. Ar nonkate raj do apnare rukhiyạkʼ kan tahẽkana.

2 Rapajko 5:14

Unre Naman do Isorren hoṛakʼ katha leka senkate jordanre eae dhaoe unumena. Onate uniyakʼ hoṛmo do bogeyena ar huḍiń gidrạkoakʼ hoṛmo leka arhõ mońj ruạṛentaea.

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

1 Rapajko 17:24

Uni maejiu do unre Eliại metadea, “Iń do ńitokʼ iń bujhạu daṛeakʼ kana am dom Isorren hoṛ kana, ar Probhu Isor am hotete okae men ona do sạrigea.”

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

1 Rapajko 13:26

Ona katha ańjomkate nạbi doe menkeda, “Uni doe Isorren hoṛ kana okoe do Probhu Isorakʼ hukum bae bataoletʼ. Ar Probhu Isorakʼ okaṭakʼ katha uniye metade tahẽkan onkage uni do dhạcri kulakʼ tireye jimạkedea ar dhạcri kul do uniye or cirạkedeteye gocʼkedea.”

1 Rapajko 13:1

Jerobiam do janwar samaṅko lạgitʼ tinre pinḍ aṛereye teṅgo akan tahẽkana unre Probhu Isorakʼ katha leka Isorren mitʼṭen hoṛ do Jihudạ khon Bethelteye seṭerena.

1 Samuel 2:27

Mitʼdin Isorren mitʼṭen hoṛ do Eli ṭhen hecʼkateye menkeda, “Probhu Isore meneda, ‘amren hapṛamko tinre Misorre pharao gobolreko tahẽkana unre onko ṭhen iń do cetʼ pusṭạute bạń sodorlena?

Jirimiạ 35:3

Unre iń do Habasianiạ ren goṛomtetʼ koṛa, metakʼme Jirimiạren hopon Jasaniạ ar uniren sanam boeha ar hoponko, metakʼme Rekabiạkoren goṭa bõsrengeń ạguketʼkoa.

Jeheskel 40:38

Bahre raca reakʼ bhitri phaṭok duạrko reakʼ kham khunṭi aṛere mitʼ secʼ jhicʼ akatʼ mitʼṭecʼ kandha tahẽkana; ona do jeredokʼ samaṅokʼ janwarkoakʼ jel ạrupʼ ṭhạ̃i tahẽkana.

Jirimiạ 21:1

Tayomte Probhu Isorakʼ katha do Jirimiạ ṭhen sodorena. Ona jokhecʼ Sedekiạ raj do Malkiạ hopon Pashur ar Maseya hopon naeke Sephaniạ do Jirimiạ ṭhen niạ kathakin roṛ gotʼkada,