Jirimiạ 34:7 - সান্তালী বাইবেল

⁷ Ona jokhecʼ Babel rajren lạṛhại phạdko do Jerusalem, Lakis ar Aseka upạrteko lạṛhạikan tahẽkana, ente Jihudạ disạm talare eken pạcrite esetʼ nagrahakoge ạidạri lạgitʼ sarecʼ tahẽkana.

Jirimiạ 34:7 Referans Kwoze

Josuạ 10:3

Ona iạte Jerusalemren raj Adoni-Sedek do Hebronren raj Hoham, Jarmutren raj Piram, Lakhisren raj Japhiạ ar Eglonren raj Debir ṭhen niạ nehõre kolkeda,

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Josuạ 15:35

Jarmut, Adulam, Soko, Aseka,

Mikạ 1:13

E Lakisre tahenkan hoṛko, ape do Rãt gạḍi sãote sadomko joṛaokope. Israelakʼ bedhoromtetʼ pạhilre ape talare ńamlen iạte Sion-kuṛi do apege kại hortepe idiledea.

Jirimiạ 34:1

Babelren raj Nebukadnesar, ar uniren sanam lạṛhại phạdko ar uni tabe reakʼ sanam rajosṭiko ar jạtrenko tinre Jerusalem ar ona beṛhaeteakʼ nagrahako upạrteko lạṛhạikan tahẽkana unre Israelren Probhu Isor do Jirimiại metadea uni do jemon Jihudạren Sedekiạ raj ṭhen senkateye metae, “Iń Probhu Isorge noa katha doń meneda, noa nagraha do Babel raj ṭheniń soprota ar uni do seṅgelteye ḍahao maraoa.

Jirimiạ 11:12

Tinre muhin hijukʼa unre Jihudạ ar Jerusalemren hoṛ do senkate onko debota ṭhenko raga one okoe samaṅre dhupko jeretʼetʼ tahẽkan, menkhan onko do bako rukhiyạ daṛeakʼa.

Jirimiạ 8:14

Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

2 Bõsbudạ 27:4

Uni do Jihudạ reakʼ burukore pạcrite esetʼ atokoe benaokeda ar bir ṭoṭhakore do gaṛkoe benaokeda ar usul pahra oṛakʼko hõe benaokeda.

2 Rapajko 19:8

Rabsake doe ańjomkeda, Ạsurren raj do Lakis bạgikate Libna upạrteye lạṛhại kana. Ona iạte uni hõ onḍeye calaoena.

Dosar Biboron 28:52

Onko do apeakʼ ato ar nagrahako gherao ạcurtapea, ar sesre oka usul ar keṭecʼ pạcri bhitko cetanrepe bhorsakʼkan ona hõ lạnduṛokʼtapea. Ar aperen Probhu Isor okaṭakʼ disạme emape lạgidokʼkan ona disạm reakʼ mitʼke mitʼ ato ar nagrahako gherao ạcurtapea.

Josuạ 10:5

Niạ katha ańjomkate onko mõṛẽ goṭen Amori rapajko, metakʼme Jerusalem, Hebron, Jarmut, Lakhis ar Eglonren rapajko do akoren lạṛhại phạdko jarwa mitʼketʼkoa. Ar ona tayom do akoren lạṛhại phạdko soṅgekate Gibeon sor senkateko ḍerayena ar nagrahako akromonkeda.

2 Rapajko 14:19

Jerusalemre Amasiạ upạrte soṛojontro hoyen khan uni do Lakhisteye ruạṛ calaoena, menkhan Lakhiste hoṛ kolkate uni do onḍeko gocʼkedea.

Jesaea 36:2

Ona tayom Ạsurren raj do Rabsake sãote mitʼṭecʼ maraṅ utạr lạṛhại phạdkoe soṅgeadete Lakis khon Jerusalemren raj Hiskiạ ṭhene kolkedea. Rabsake do senkate kicricʼ sobotʼkoakʼ ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhene teṅgoyena.