Jirimiạ 34:22 - সান্তালী বাইবেল

²² Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 34:22 Referans Kwoze

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 39:8

Babelrenko do rajakʼ oṛakʼre ar hoṛkoakʼ oṛakʼkore seṅgelko jeretʼada ar Jerusalem reakʼ pạcriko rạputʼkeda.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 52:7

Tayomte nagraha pạcri reakʼ mitʼ jaegareko bhugạkʼkeda. ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Jirimiạ 33:10

“Ape do niạ ṭhạ̃i reaṅpe meneda, ‘noa do ujạṛ akana; nonḍe do manwa se janwar hõ bạnukʼkoa.’ Menkhan Jihudạ reakʼ okako nagraha ar Jerusalem reakʼ okako ḍahar do ujạṛge menakʼ, one okare manwa se janwar hõ bako tahenkan onḍe do arhõ rạskạ ar hulạs reakʼ aṛaṅ ańjomokʼa ar jãwãe koṛa ar bạhu kuṛiyakʼ aṛaṅ hõ ańjomokʼa; ar okoe Probhu Isorakʼ oṛakʼre gun manao reakʼ samaṅokʼakʼko ạgui onkoakʼ aṛaṅ hõ ańjomokʼtakoa. Onko doko mena, ‘phạdkoren Probhu Isor sarhaoepe, ente Probhu Isor doe bhagegea, ar uniyakʼ daya do jaejug hạbicʼ tahẽakae tahenkana.’ Iń do lahate lekage niạ disạm reakʼ dosań ạgu ruạṛa.

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Sakariạ 7:14

Iń do bin oprom jạtrenko talareń pasnaoletʼkoa. Inạ tayom onkoakʼ disạm do nonka khaṅgoṭakʼ hoylena, onḍe do celege bako senokʼkan tahẽkana. Nonkate ona mońj disạm do ujạṛ utạrakʼko hoyocoleda.”

Sakariạ 1:12

Unre Probhu Isorren goḍete menkeda, “E phạdkoren Probhu Isor, am do Jerusalem ar Jihudạ reakʼ eṭakʼ nagrahako cetanre nõkʼõe eaegel bochor raṅgao akanem tahẽkana ar tinạkʼ din onkore begor mãyãtem tahena?”

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Rak̕joṅ 1:1

Hae! ona nagraha do, mitʼ jokhecʼ onare hoṛkote perecʼ tahẽkana, uni do cetʼleka eskare duṛupʼ akana. Okaṭakʼ nagraha do mitʼ jokhecʼ jạt jạtrenko talare maraṅe tahẽkan, uni do ńitokʼ rạnḍi maejiu lekae hoyakana. Uni do disạmkoren rạniye tahẽkana ar ńitokʼ do kạ̃ṛmĩye hoyakana.

Jirimiạ 38:23

Amren sanam bạhuko ar hoponko ar hoponerako do Babelrenko ṭhenko idi ocokʼa. Ar amhõ onkoakʼ ti khon rukhiyạ do bam ńama bickom Babel rajakʼ tirem sapʼ ocokʼa, ar noa nagraha do seṅgelte ḍahao maraokʼa.”

Jirimiạ 32:29

Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jesaea 64:10

Amakʼ sonot nagrahako do hahaṅkar ṭoṭha hoyakana; Sion reakʼ dosa hõ onkage hoyakana, hẽ, Jerusalem hõ ujạṛ akana.

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jesaea 24:12

Nagraha do dhaṅdhaser ḍạṅ leka hoyokʼa ar phaṭok duạrko do kuṭạm lạnduṛ ocokʼa.

Jesaea 13:3

Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

2 Samuel 16:11

Dạud do unre Abisae ar uniren sanam kạmiyạkoe metatʼkoa, “Ińren hoponge ińakʼ jiwi hatao reakʼe kurumuṭu kan khan Benjamin gusṭiren nui hoṛ do cetʼ artetʼge bae onkaea. Uni okae cekayetʼkan ona baṛe onka ocoaepe, ente Probhu Isorge ona onkae lạgitʼe metaekana.

2 Rapajko 25:6

Onko do uniko bondikedea ar Riblate Babelren raj ṭhenko idikedea. Onḍe uni upạrte sạjại reakʼ hukum hoyena.

Jirimiạ 50:13

Probhu Isorakʼ edre iạte okoehõ onare do bako girobasokʼa, ona do ujạṛ utạrakʼ ṭhạ̃ige hoyokʼa. Ar Babel aṛete okoeko parom calakʼ onko jotogeko torasokʼa ar uniyakʼ sanam duk iạteko landa-dhutʼaea.

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.