Jirimiạ 34:21 - সান্তালী বাইবেল

²¹ “Ar okoe bạiriko do Jihudạren raj Sedekiạ ar uniren kạmiyạko gocʼkoko menetʼkan iń do onko bạirikoakʼ tirege onkoń soprotkoa. Babel rajren okoe lạṛhại phạdko ape khonko ruạṛ sen akan iń do onkoakʼ tirege apeń soprotpea.

Jirimiạ 34:21 Referans Kwoze

Jirimiạ 39:6

Babelren raj do Riblare Sedekiạ samaṅrege uniren hoponkoe gocʼketʼkoa ar Jihudạren sanam rajkạmiyạko hõe gocʼketʼkoa.

Jeheskel 17:16

“ ‘Iń Probhu Isorge ińakʼ ńutumte kiriạkateń menetʼkana, Khạṭige uni do uni rajakʼ ṭhạ̃ire, okoe uniye rajkede, one uniyakʼ kathae neṅghaoketʼ, one uniyakʼ bondobose rạputʼketʼ, uni ṭhenge, metakʼme Babelreye gujukʼa.

Jirimiạ 52:10

Babelren raj do Riblare Sedekiạ samaṅrege uniren hoponko ar Jihudạren sanam rajkạmiyạko hõe gocʼketʼkoa.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Jirimiạ 32:4

Jihudạ raj Sedekiạ do Babel rajakʼ ti khon ohoe rukhiyạ daṛelena uni do khạṭige onkoren rajakʼ tireye soprot ocokʼa. Uni do Babel raj tulucʼ samna sạmni kathae roṛa ar acʼakʼ mẽtʼte uniye ńelea.

2 Rapajko 25:6

Onko do uniko bondikedea ar Riblate Babelren raj ṭhenko idikedea. Onḍe uni upạrte sạjại reakʼ hukum hoyena.

Jirimiạ 22:25

Okoe amakʼ jiwi hataoko menetʼ, ar okoeyem botoraekan uni Babel raj Nebukadneser ar kạldikoakʼ tireń soprotmea.

Jirimiạ 32:3

ente Jihudạ raj Sedekiạ do noa katha menteye bondi ocoledea, “Am do noa katham nạbi akada, Probhu Isore meneda, ‘noa nagraha do Babel rajakʼ tireń soprota ar uni do noae hata.

Jirimiạ 44:30

Jihudạren raj Sedekiạ do okoeṭakʼ bạiri goje reakʼe kurumuṭuletʼ uni Babelren raj Nebukadnesarakʼ tire cetʼ lekań soprotlede, ṭhik onkage Misorren Pharao raj Hopra hõ uniren bạirikoakʼ tireń soprotea one okoe do uniyakʼ jiwi hataotae lạgitʼko kurumuṭuyetʼkan.’ ”

Jirimiạ 52:8

Rajren sanam lạṛhại phạdko do acʼ ṭhen khonko begarente onko doko chirchạturena ar ona jokhecʼ Babelren lạṛhại phạdko do Sedekiạ rajko khudạu idikedea ar Jerikho reakʼ bilạn ṭạnḍireko sapʼ tiyokʼkedea.

Jeheskel 17:12

“Noko huhulkan jạtrenkom metakoa, ‘cetʼ noako reakʼ manetetʼ do bape bujhạueda? Babelren raj do Jerusalemte hecʼkate onaren raj ar onaren mukhiyạkoe hataoketʼkote Babelteye idiketʼkoa.

Jeheskel 17:20

Iń do uni lạgitʼ jhạliń oḍaoa ar uni do ińakʼ pạsireye sabokʼa. Ar ińreye bepạtiạr akante uni do Babelteń idiyea ar onḍegeń sạjạiyea.