Jirimiạ 34:20 - সান্তালী বাইবেল

²⁰ Ona iạte okoe bạiriko onko gocʼko reakʼko menetʼkan onko bạirikoakʼ tiregeń soprotkoa. Onkoakʼ mạ̃ṛĩ do coṭren cẽṛẽko ar birren janwarkoakʼ jomakʼge hoyokʼa.

Jirimiạ 34:20 Referans Kwoze

Jirimiạ 7:33

Ona tayom noko hoṛkoakʼ mạ̃ṛĩ do coṭren cẽṛẽko ar dhạrtiren janwarkoakʼ jomakʼ hoyokʼa ar onko lagako lạgitʼ do celehõ bako tahena.

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.

Jirimiạ 11:21

Ona iạte Probhu Isor do Anathotren hoṛko reaṅe meneda, “Okoe amakʼ jiwiko sendra baṛayetʼ arko menetʼ, ‘Probhu Isor ńutumte nạbi lekate katha do alope mena, arpe roṛle khan aleakʼ tirepe gujukʼa.’

1 Rapajko 16:4

Amren okoeko hoṛ nagrahareko gujukʼ onko do setakoko jomkoa ar ṭanḍire okoeko gujukʼ onko do cẽṛẽko jomkoa.”

Jirimiạ 22:25

Okoe amakʼ jiwi hataoko menetʼ, ar okoeyem botoraekan uni Babel raj Nebukadneser ar kạldikoakʼ tireń soprotmea.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

1 Rapajko 14:11

Uniyakʼ bõsren okoeko nagrahareko gujukʼ onko do setakoko jomkoa ar bilạn ṭạnḍire okoeko gujukʼ onko do cẽṛẽkoko jomkoa. Iń Probhuge niạ katha doń meneda.’

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

1 Samuel 17:44

Uni do Dạud arhõe metadea, “Dela hijukʼme; amakʼ hoṛmo reakʼ jel do coṭren uḍạukʼ cẽṛẽko ar bir janwarkoń jom ocokoa.”

Jeheskel 32:4

Iń do ṭạnḍire amiń lebda giḍikama. Ińakʼ hukumte coṭren cẽṛẽko do am cetanreko abokʼa ar dhạrtiren sanam janwarko do amko jommea arko tirpitokʼa.

Jeheskel 29:5

Iń do am ar amakʼ gaḍaren sanam hakoko hahaṅkarreń giḍikapea. Am do ṭạnḍire giḍi akanem tahena ar bam topa ocokʼa. Iń do jomakʼ lekate bir janwarko ar coṭren cẽṛẽko ṭheniń jimạ akatʼmea.

Jirimiạ 49:37

Ar okoe onko gocʼko reakʼko monejoṅ onko bạiriko samaṅrege iń do Elamrenkoń dhaṅdhaserkoa; ińakʼ jolokʼkan edre do onko cetanreń paṛao ocoya. Ar ạuriko cabakʼ hạbicʼ onko upạrte tarwaṛeń kola.

Jirimiạ 44:30

Jihudạren raj Sedekiạ do okoeṭakʼ bạiri goje reakʼe kurumuṭuletʼ uni Babelren raj Nebukadnesarakʼ tire cetʼ lekań soprotlede, ṭhik onkage Misorren Pharao raj Hopra hõ uniren bạirikoakʼ tireń soprotea one okoe do uniyakʼ jiwi hataotae lạgitʼko kurumuṭuyetʼkan.’ ”

Jirimiạ 38:16

Onate Sedekiạ raj do danaṅre Jirimiạ ṭhen kiriạyenteye menkeda, “Okoe sahẽtʼe em akawatʼ bon uni jiwetʼ Probhu Isor ńutumte kiriạkateń meneda, am do bạń gocʼmea ar okoe am gocʼme reakʼko kurumuṭukan onkoakʼ tire hõ bạń soprotmea.”

Jirimiạ 4:30

E ḍahao marao akan nagraha, am do cetʼem cekaya? Arakʼ kicricʼ ar sona reakʼ gohnate do cedakʼem abhranokʼ kana? Cedakʼ mẽtʼre do aenom kajarem lagaojoṅ kana? Am do ạuṛiyakʼgem sajokʼ kana. Amren dulạṛiạko do amko kurudam kana, onko do amakʼ jiwi hatao lạgitʼko kurumuṭu kana.

Dosar Biboron 28:26

Apeakʼ mạ̃ṛĩ do coṭren cẽṛẽko ar otren janwarkoakʼ jomakʼge hoyokʼa, onko laga ńirko lạgitʼ do celege bako tahena.

Sereńko 79:2

Amren golamkoakʼ mạ̃ṛĩko do coṭren cẽṛẽko jom ocoakatʼkoa; ar am botoramkoakʼ jel do otren janwarkoko ematʼkoa.

Jirimiạ 12:9

Ińakʼ sompotti iń ṭhen do sendra cẽṛẽ leka hoyakana, one eṭakʼ sendra cẽṛẽko gherao esetʼkate ińko hạ̃neń kan. Am do senkate sanam bir janwarko jarwakate ạgukom jemon onko do uniko jom daṛeae.

Jeheskel 23:28

“Ar okoekom hirkhạwako kan, ar okoeko secʼ khonem ạcurakan onkoakʼ tiregeń soprotmea.

Jirimiạ 39:6

Babelren raj do Riblare Sedekiạ samaṅrege uniren hoponkoe gocʼketʼkoa ar Jihudạren sanam rajkạmiyạko hõe gocʼketʼkoa.