Jirimiạ 34:15 - সান্তালী বাইবেল

¹⁵ Thoṛa dinge hoyakana ape do monpe ạcur akatʼtapea ar ińakʼ mẽtʼre oka ṭhikakʼ kan, metakʼme ape sanamkoge aperen Ibri boehako aṛakʼko reakʼpe lại sodor akada. Ar ape do ińakʼ oṛakʼre iń samaṅre ińakʼ niạmko manao lạgitʼpe rebenlena.

Jirimiạ 34:15 Referans Kwoze

Jirimiạ 34:8

Probhu Isor do Jirimiạ tulucʼ arhõ kathae roṛkeda. Noa lahare Sedekiạ raj do Jerusalemren sanam hoṛko sãote golamkoakʼ chaḍaokʼ reaṅ niạme goṭa akatʼ tahẽkana.

2 Rapajko 23:3

Raj do tham khunṭi aṛere teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanam katha manao lạgitʼ Probhu Isor samaṅreye gokʼana. Unre sanam hoṛko hõ raj sãote inạgeko gokʼana.

Mathae 15:8

noko hoṛ do mocategeko ganaoedeń kana, menkhan onkoakʼ ontor do iń khon sạṅgińgetakoa.

Jirimiạ 32:34

Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Sereńko 119:106

Iń do amakʼ dhoromte perecʼ ạn ạri manaokate calakʼ reakʼ iń kiriạ akana, ar ona do kajaktegeń kiriạ akana.

Sereńko 76:11

Ape do aperen Probhu Isor ṭhen manotakʼko dohoype ar ona purạuaepe. Ar okoe doe botoranicʼkan uni lạgitʼ sanam disạm khon hoṛko do dan sandesko ạguiyma.

2 Rapajko 14:3

Amasiạ do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana, menkhan uniren hapṛam Dạud leka do baṅa. Uni do acʼren apat Joas leka sanamakʼgeye kạmiyetʼ tahẽkana.

2 Rapajko 12:2

Naeke Jehoyada tinạkʼ din Joasren sosolhayicʼe tahẽkan unạkʼ din Joas do Probhu Isorakʼ mẽtʼre oka bhageakʼ kan onageye kạmiyetʼ tahẽkana.

Levitikus 25:10

Noa mõṛẽ gelakʼ bochor do Probhu Isor ńutumtepe begar dohoya ar disạmren sanam hoṛko ṭhen chaḍaokʼ reakʼpe lại sodora. Ape lạgitʼ niạ do ‘hulạsokʼ bochor hoyokʼa.’ Niạ bochorre ape mimitʼko do apan ạpin bõsrenko ar apan ạpin gharońjrenko reakʼ sompottirepe ruạṛ calakʼa.