Jirimiạ 34:14 - সান্তালী বাইবেল

¹⁴ ‘jãhãe Ibri boeha acʼte ape ṭhene ạkhriń akan khan enḍekhan eaeakʼ bochorre uni do aṛakʼkae hoyokʼtapea. Uni do turui bochor ape ṭhen golame khaṭaokʼa ar ona tayom do aṛakʼkae hoyokʼa.’ Menkhan aperen hapṛamko do ińakʼ katha bako ańjomleda, ar ińakʼ katha mone hõ bako moneyada.

Jirimiạ 34:14 Referans Kwoze

Dosar Biboron 15:12

“Jãhãe Ibri herel se maejiu hoṛ ape ṭhene ạkhrińokʼ, enḍekhan turui bochor ape ṭhen golame khaṭaokʼa ar eaeakʼ bochorre doe sạdhin ocokʼa.

1 Rapajko 9:22

Menkhan uni do Israelko modren okoe hõ golam do bae benaoletʼkoa; onko do acʼren lạṛhại birko, acʼren kạmiyạko, acʼ latarren subedarko, mukhiyạko, rãt gạḍi cakʼlaoko ar aswarikoko tahẽkantaea.

Romiko lạgitʼ Pạul Apostolakʼ ciṭhi 7:24

Hae iń dukhạliạ hoṛ do! Ińre noa kại, one oka do gujukʼe ạguiyetʼ, ona khon okoeye rukhiyạyińạ?

Amos 8:6

rupạte reṅgecʼ hoṛle kirińkoa ar mitʼ joṛa panahete laṅgaṭkole kirińkoa ar jokʼ giḍiyakʼ guhum do onko ṭhenle ạkhrińa.”

Amos 2:6

Probhu Isore meneda, “Israelakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea. Uniren hoṛ do ṭaka poesa lạgitʼ dhorom hoṛko ar jaṅga reakʼ mitʼ joṛa panahe lạgitʼ reṅgecʼ hoṛko ạkhriń akatʼkoa.

Jeheskel 20:8

“ ‘Menkhan onko do iń upạrteko hulkeda, ińakʼ katha ańjom do bako rạjilena. Okoe hirkhạwan boṅga murhutʼko bhageko hudisetʼko tahẽkan onko do bako sạṅgiń giḍiletʼkoa ar Misorren boṅga muṭhạnko hõ bako bạgiyatʼkoa. Onatege ińiń menkeda Misorre onko cetanre ińakʼ edre ar khĩs do onkoreń dula.

Jeheskel 20:4

“E manwa hopon, am do cetʼ onkom bicạrkoa? Enḍekhan onkoren hapṛamkoakʼ bạṛicʼ colon reakʼ katha baṛe baḍae ocokome.

Jirimiạ 32:30

“Israel ar Jihudạren hoṛko do huḍiń khonge ińakʼ mẽtʼãhã samaṅre eken bạṛicʼakʼ chaḍa ar cetʼge bako kạmi akada; sạrige Israelren hoṛko do akoakʼ tite benaoakʼ jiniskote ińko bekusi ocoakadińạ.

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

2 Bõsbudạ 28:10

Ar ńitokʼ ape do Jihudạ ar Jerusalemren hoṛko aperen golam hoyocokope menjoṅkana. Menkhan aperen Probhu Isor ṭhen ape do cetʼ dusipe baṅkana?

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Levitikus 25:10

Noa mõṛẽ gelakʼ bochor do Probhu Isor ńutumtepe begar dohoya ar disạmren sanam hoṛko ṭhen chaḍaokʼ reakʼpe lại sodora. Ape lạgitʼ niạ do ‘hulạsokʼ bochor hoyokʼa.’ Niạ bochorre ape mimitʼko do apan ạpin bõsrenko ar apan ạpin gharońjrenko reakʼ sompottirepe ruạṛ calakʼa.

Dosar Biboron 15:1

“Eae bochor mucạtʼre rin khonpe khalaskoa.

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Jirimiạ 11:7

Aperen hapṛamko tinre Misor disạm khoniń oḍok ạguletʼkoa unkhon teheń hạbicʼ ạḍi dhao sontorkateń metatʼko tahẽkana, ‘ape do ińakʼ aṛaṅ ańjomtińpe.’