Jirimiạ 34:13 - সান্তালী বাইবেল

¹³ “Iń Israelren Probhu Isoriń meneda, aperen hapṛamko tinre Misor disạm khon, golam oṛakʼ khoniń oḍok ạguletʼkoa unre onko do noa bondobos lekateń metatʼko tahẽkana,

Jirimiạ 34:13 Referans Kwoze

Josuạ 24:17

Aboren Probhu Isor do acʼge abo ar aboren hapṛamko Misor disạm khon, golam oṛakʼ khon nonḍeye oḍok ạgu akatʼbona ar aboakʼ mẽtʼãhã samaṅrege maraṅ maraṅ hahaṛawakʼ kạmikoe kạmi akada. Aboakʼ goṭa dãṛãn horre tinạkʼ jạtrenko talate bon hecʼakan onkoakʼ ti khon unigeye bańcao akatʼbona.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Dosar Biboron 5:27

Aboren Probhu Isor okae menakatʼ, ona do sorkate amge ańjom ạguiyme. Ar uni okae metam ona baḍae ocoleme; ar ale do ańjomkate ona lekagele senokʼa.’

Exodus 24:3

Mose do ruạṛkate Probhu Isorakʼ katha tinre hoṛko ṭhene lạikeda ar uniyakʼ sanam ạnkoe sodorkeda unre hoṛko do mitʼ domteko menkeda, “Probhu Isor cetʼ cetʼkoe menakatʼ ale do ona jotole manaoa.”

Jirimiạ 11:7

Aperen hapṛamko tinre Misor disạm khoniń oḍok ạguletʼkoa unkhon teheń hạbicʼ ạḍi dhao sontorkateń metatʼko tahẽkana, ‘ape do ińakʼ aṛaṅ ańjomtińpe.’

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Jirimiạ 7:22

Iń do noa kathań meneda, ente Misor disạm khon aperen hapṛamko tinreń oḍok ạguletʼkoa unre jeredokʼ ar eṭakʼ samaṅokʼakʼ reakʼ katha iń do bạń metatʼko tahẽkana se bạń hukumatʼko tahẽkana,

Dosar Biboron 29:1

Probhu Isor do Horeb burure Mose hotete Israelko lạgitʼ mitʼṭecʼ bondobose doholeda, noako do ona bondobos reakʼ katha kana okaṭakʼ do Moab disạmre Mose Israelko lạgitʼ bondobos bandhao lạgitʼe metade tahẽkana.

Dosar Biboron 24:18

Disạipe, Misor disạmre ape hõ golampe tahẽkana ar aperen Probhu Isor do onḍe khone chaḍao ạgu akatʼpea. Ona iạte noako kạmi lạgitʼ iń hukumape kana.

Dosar Biboron 16:12

Misor disạmre ape hõ golampe tahẽkan ona katha disạite joton salakʼ noako hukumpe manaoa.

Dosar Biboron 15:15

Disạipe, Misor disạmre ape hõ golampe tahẽkana ar aperen Probhu Isor doe chaḍao akatʼpea. Ona iạte iń do noako hukumiń emapekana.

Dosar Biboron 13:10

Misor disạm reakʼ golam oṛakʼ khon okoeye oḍok ạguakatʼme amren Probhu Isor secʼ khon ruạṛmeye kurumuṭuyetʼ khan uni do dhiritem tiń gojea.

Dosar Biboron 8:14

Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Dosar Biboron 7:8

Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.

Dosar Biboron 5:6

‘Ińge Probhu amren Isor. Misor disạm khon golam oṛakʼ khon ińgeń oḍok ạguakatʼmea.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Jirimiạ 34:12

Ona iạte Probhu Isor do Jirimiại metadea,