Jirimiạ 33:9 - সান্তালী বাইবেল

⁹ Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Jirimiạ 33:9 Referans Kwoze

Jesaea 60:5

Ona ńelte am do rạskạtem kharsalakʼa, ar hulạstem perejokʼa; jalapuri reakʼ dhon do am ṭhenko ạguiya, ar jạt jạtrenkoakʼ dhon do am ṭhen hijukʼa.

Jirimiạ 13:11

Hoṛko cetʼleka ḍanḍare jhaṅgako horog onkage iń do goṭa Israel ar Jihudạren sanam hoṛko ińreń jalatʼ ocoletʼkoa, jemon onko do ińakʼ ńutumko sarhaotiń arko manotiń ar ińren hoṛko hoyokʼ, menkhan onko do ińakʼ katha bako ańjomleda.

Nehemiạ 6:16

Aleren sanam bạiriko niạ katha tinreko ańjomkeda ar aḍepaseren sanam jạtrenko onako ńelkeda unre aleren bạiriko do dilko atʼketʼtakoa, ente onkoko bujhạu daṛeada, niạ kạmi do aleren Isorakʼ goṛotege hoyakana.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Sereńko 40:3

Uni do ińakʼ mocare nãwã sereńe emadińạ, aboren Isorakʼ sarhaoakʼ sereńge. Ḍher hoṛkoakʼ mẽtʼrege ona do paṛaokʼa ar monre botor hecʼakoa; onko do Probhu Isorreko bhorsakʼa.

Sakariạ 12:2

“Jerusalem do nonkan mitʼṭecʼ bubulakʼ bhajaniń benaoa one ona reakʼ ńũkate aḍepaseren sanam jạtren hoṛko konḍa manḍekʼa. Jerusalemrenko sãote Jihudạ reakʼ eṭakʼ nagrahako hõ gherao esetʼ ocokʼa.

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 29:1

Bondiko modre sarecʼ akan murubbiko, naekeko, nạbiko ar eṭakʼ sanam hoṛko Nebukadnesar raj do Jerusalem khon bondikate Babelteye idiletʼko onko ṭhen Jirimiạ do Jerusalem khon mitʼṭecʼ ciṭhiye kolkeda.

Jirimiạ 3:17

Unre sanam jạtren hoṛko Jerusalem do Probhu Isorakʼ siṅghạsonko metakʼa, ar Probhu Isor dewa sewawae lạgitʼ onḍeko jarwakʼa. Ar akoakʼ bạṛicʼ ontor do ṭenḍoskate bako pańjaea.

Ester 8:17

Joto tabe disạm ar nagrahakore okare rajakʼ hukum seṭeren onḍenko Jihudiko do hulạsateko porobena. Ar eṭakʼ eṭakʼ jạtren ḍher hoṛ doko Jihudiyena, ente onko do Jihudiko ạḍiko botoratʼkoa.

2 Bõsbudạ 20:29

Israelren bạiriko upạrte Probhu Isor do cetʼ lekae lạṛhạiyen ona katha ańjomkate eṭakʼ disạmren sanam hoṛko do Probhu Isor reaṅ mitʼṭecʼ botor hecʼatʼkoa.

Sereńko 130:4

Menkhan am ṭhen do ikạ menakʼa, jemon hoṛko botoram.

Jesaea 55:13

Ar jạnumko bodolte do saro dareko ar seṅgel siń bodolte do mehendi dareko hara rakabokʼa. Probhu Isor lạgitʼ ona do mitʼṭecʼ dikʼsạ cinhạge hoyokʼa. Ona cinhạ do tishõ baṅ maraokʼa.”

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jesaea 64:2

Seṅgel cetʼleka jhurikoe jol ocoyte dakʼe heḍecʼ ocoy onkage am hõ pheḍ hijukʼte amren bạiriko ṭhen sodorokʼme, jemon jạt jạtrenko am samaṅre botorteko thar tharaokʼ.

Jirimiạ 3:19

“Ińgeń menleda, ‘ińge hoponko menkateń ataṅpea ar mitʼṭecʼ hạ̃sanakʼ disạmre, jạt jạtrenko talare mońj utạr ạidạriankoń hoyocopea.’ Iń doń hudisleda baba mentepe hohowạńạ ar iń tayom khon do bape ruạṛa.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Jirimiạ 32:42

“Iń do noko hoṛko cetanre cetʼleka niạ maraṅ muhiniń ạguakatʼ onkage onko do ińakʼ gokʼakʼ sanamakʼ bhạlạiyiń danakoa.

Jirimiạ 33:14

Probhu Isore meneda, “Israel ar Jihudạren hoṛko ṭhen oka bhạlại reakʼ iń gokʼletʼ ona okteko do hijukʼkana ar iń do onań purạua.

Jirimiạ 49:25

Ona namḍak nagraha, oka nagraha iạte ạḍiń kusikʼkan tahẽkan, hoṛko do cedakʼ ona bạgikate bako calao akana?

Jeheskel 26:20

unre patal purite calakʼkan hoṛko sãote onko sedaeren hoṛko ṭheniń pheḍ idimea. Ar dhạrti khạndṛuṅ reakʼ jarkharakʼ talare patal purite calakʼkan hoṛko sãoteń girobas ocomea. Amre do ar celege bako girobasokʼa ar jiwetʼkoakʼ disạmre amakʼ ṭhạ̃i do ar baṅ hoyokʼtama.

Jeheskel 39:13

Disạmren sanam hoṛ do onkoko topakoa. Nonkate ińakʼ ṭhonok sodorokʼ dinre onkoakʼ ńutum do pasnaokʼtakoa.

Dosar Biboron 30:5

Uni do aperen hapṛamkoakʼ disạmteye ruạṛ ạgupea ar ape do arhõ onape hat ruạṛa. Uni do ạḍiye bhạlạiypea ar aperen hapṛamko khon hõ ḍhere saṅge ocopea.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Jirimiạ 31:14

Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

Jeheskel 36:35

Onko doko mena, noa disạm do lahate maraolen tahẽkana, menkhan ńitokʼ ona do Eden bagwan leka hoyakana; ona reakʼ nagrahako do maraoakʼ, ujạṛakʼ ar jarkharakʼ hoylena, menkhan ńitokʼ do pạcrite esetʼ ar ḍerakʼ ṭhạ̃ige hoyakana.

Sakariạ 1:17

Iń phạdkoren Probhu Isorge noa doń gokʼetʼkana, ińakʼ nagrahakore arhõ bhạlại do se oḍokokʼa ar Sion do arhõ jiwiń raṛejtaea ar Jerusalem do arhõń bachaojoṅa.’ ”