Jirimiạ 33:4 - সান্তালী বাইবেল

^4-5 Babelrenko sãote lạṛhại jokhecʼ pạcri sãote benao akatʼ pinḍhạ ar tarwaṛe khon rukhiyạkʼ lạgitʼ noa nagraha reakʼ okako oṛakʼ-duạr ar Jihudạ reakʼ raj dolanko rạputʼ hoylen onako do onko hoṛkoakʼ mạ̃ṛĩkote perejokʼa one okoe do ińakʼ edre ar raṅgao iạteń gocʼko. Onkoakʼ sanam dusṭami iạte niạ nagraha secʼ khon ińakʼ mẽtʼãhãń doń betʼakatʼtińạ. Ar iń Israelren Probhu Isorge noa katha doń meneda.

Jirimiạ 33:4 Referans Kwoze

Habakkuk 1:10

Onko do rapajkoko siṛog akokana ar subedarko doko landa dhutʼako kana. Gaṛ ńelteko landa joṅkana; ar pạcrite decʼ paromokʼ lạgitʼ dhiri reakʼ ḍhipiko benaoeda ar gaṛkoko dokholeda.

Jeheskel 4:2

Ona beṛhaete nonka gherao esetʼakʼ dohoyme; ona upạrte mitʼṭecʼ usul pạcri benaome ar beṛhaete mitʼṭecʼ pinḍhạ upʼ rakabme, ar nagraha upạrte lạṛhại phạdkoakʼ ḍera benaome ar ona beṛhaete pạcri rạpud reakʼ jontroko bạisạume.

Jirimiạ 32:24

Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,

Jeheskel 21:22

Uniyakʼ jojom ti reakʼ gulibãṭ do paṛao akana Jerusalem lạgitʼ, ona doe lạiyaekana lạṛhại andoṛ rakab lạgitʼ, phaṭok duạrko upạrte sobokʼ bhugạkʼakʼkoe jut aroe lạgitʼ, pinḍhạko upʼ rakab lạgitʼ, ghekʼrao buruńjko benao lạgitʼ.

Jeheskel 26:8

Uni do lạṛhạikate amakʼ atokoe marao giḍikakʼa. Uni do am upạrte mitʼṭecʼ usul pinḍhại upʼ rakaba ar amakʼ pạcri bhit sãote bhiṛạu akatʼ mitʼṭecʼ daṛaṅ pinḍhại benaoa; ar apnar rukhiyạkʼ lạgitʼ ḍhalko reakʼ chate teṅgoea.

Jesaea 32:13

Jạnum ar rạṅgạinite perecʼ ińren hoṛkoakʼ disạm lạgitʼ koṛam ceṭagtape. Hẽ rạskạ ar hulạste perecʼ oṛakʼ duạr ar andoṛte perecʼ nagraha lạgitʼ koṛam ceṭagtape.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jirimiạ 6:6

Phạdkoren Probhu Isor do noa kathae meneda, “Dareko makʼ bhindạṛpe ar Jerusalem upạrte ghekʼrao pinḍhạ benaope. Niạ nagraha do sạjạite hõ sạjạiyokʼgea; ona do jor-julumte perecʼ akana.

Rak̕joṅ 2:7

Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Dosar Biboron 20:20

Menkhan okako do jo dare baṅkan ona dope makʼ giḍi daṛeakʼa ar oka nagraharen hoṛ ape upạrte lạṛhại lạgitʼko teṅgokʼ onko ạuripe bhagaoko hạbicʼ onako dare dope makʼ daṛeakʼa ekʼsetʼakʼkope benaojoṅre.

Jesaea 22:10

Ape do Jerusalem reakʼ oṛakʼ duạrpe lekhakeda ar pạcri benao kajak lạgitʼ onakope rạputʼkeda.