Jirimiạ 33:24 - সান্তালী বাইবেল

²⁴ “Hoṛko okako menetʼ, baṅma, ‘Probhu Isor do Israel ar Jihudạren hoṛkoe bachaoan tahẽkana, menkhan ńitokʼ do onkoe nihạ̃t giḍikako kana,’ ona do cetʼ bam kheyaletʼ kana? Onko do ińren hoṛko nihạ̃tetʼkoa ar jạtrenko lekate bako ńeletʼkoa.

Jirimiạ 33:24 Referans Kwoze

Sereńko 83:4

Onkoko meneda, “Dela, jạtrenko bon marao cabakoa, jemon Israelakʼ ńutum aloko disạ dohoy.”

Jeheskel 37:22

Onḍe Israel reakʼ buruko cetanre onko lạgitʼ mitʼṭecʼ rajosṭiń benaoa. Onko sanamko cetanre mitʼṭen rajgeye hoyokʼa ar onko do tishõ barea do bako hoyokʼa ar barea rajosṭi do baṅ hạṭińokʼa.

Jeheskel 26:2

“E manwa hopon, Jerusalem babotre Tur do kusikateye menakada, ‘bhagege hoyakana, jạt jạtrenkoakʼ phaṭok duạr do rạputʼ akana ar ona reakʼ silpińko do jhicʼakana; iń doń purunokʼa, ente nagraha do jarkharena.’

Jeheskel 25:3

Probhu Isorakʼ noa katha onko ańjom lạgitʼ metakom, ‘Ińakʼ oṛakʼ besonotokʼkan ar Israel disom ujạṛokʼkan ńelte ar Jihudạren hoṛko bondi ocokʼkan ńelte ape do ạḍipe kusilena.

Rak̕joṅ 4:15

Hoṛko do hohoateko metakokan tahẽkana, “Ocogokʼpe, ape dope bhonḍgea. Ocogokʼpe, men ocokʼpe, alope joṭetʼlea. ” Onko do uḍạcal hoṛ lekako ạcur baṛaekan tahẽkana; boṅgan hoṛ jạtrenko doko menetʼ tahẽkana, “Abo talare upriạ do bako tahẽ daṛeakʼa. ”

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

Sereńko 94:14

Probhu Isor do tishõ acʼren hoṛko bae bạgi giḍiakoa; okoe doko acʼren bachaoko kan onko do bae giḍi sạṅgińkoa.

Sereńko 71:11

Onko doko meneda, “Isor do uniye bạgi giḍi akadea; uni do laga sabepe, uni bańcaoe lạgitʼ do celege bạnukʼkoa.”

Jesaea 7:17

Jihudạ ar Ephrayimakʼ begarokʼ din hilokʼ khon oka tisge baṅ hoyakan, Probhu Isor do am ar amren hoṛko ar amren apatakʼ bõsren hoṛko cetanre ona lekan mitʼṭen okteye ạguiya. Ar unre uni do Ạsurren raje ạguiyea.”

Jesaea 11:13

Ephrayim reakʼ hiskạ do sạṅgińokʼtakoa ar Jihudạrenko do bạiri mente bako tahena. Ephrayim do Jihudạ cetanre bae hiskạkʼa, Jihudạ hõ Ephrayim sãote bae bạirikʼa.

Jirimiạ 3:7

Iń doń hudisetʼ tahẽkana niạko tayom do iń ṭhene ruạṛ hijukʼa, menkhan bae ruạṛ hecʼlena ar uniren bepạtiạricʼ misera Jihudạ hõ onae ńelkeda.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jirimiạ 31:37

Coṭ serma reakʼakʼko soṅlen khan ar latarre dhạrti reakʼ rehetʼ sendra ńamlen khan enḍekhan Israelko okako cekakan onate onko do bạń bạsutakoa. Iń Probhu Isorge noa katha doń meneda.”

Jirimiạ 33:23

Ona tayom Probhu Isor do Jirimiạ arhõe metadea,

Jirimiạ 33:26

enḍekhan Jakob ar ińren guti Dạud bõsrenko hõń nihạ̃t giḍikakoa ar Abraham, Isạhak ar Jakobakʼ bõsrenko cetanre rajokʼ lạgitʼ Dạud bõsrenko khon mitʼ hoṛ hõ bạń bachaojoṅa. Iń do khạṭige onkoakʼ bhage dosań ruạṛkatakoa ariń mãyãwakoa.”

Jirimiạ 51:5

Israel ar Jihudạ do phạdkoren Probhu Isor do bae bạgi akatʼkinạ, Israel do uni sonoticʼ samaṅre acʼakʼ disạmre ghạṭteye perecʼ akada.

Jeheskel 36:20

Ar jạt jạtrenko talare jãhãregeko senlen onḍege ińakʼ sonot ńutumko besonot letʼtińạ, ente hoṛ do onko reaṅko roṛetʼ tahẽkana, ‘Probhuren hoṛ kanako, enhõ uniyakʼ disạm khon oḍokʼ hijukʼ hoyentakoa.’

Jeheskel 37:11

Ona tayom uni do ińe metadińạ, “E manwa hopon, noako jaṅ do hoyokʼkana sanam Israel jạtrenkoge. Onkoko meneda, ‘aleakʼ jaṅ do rohoṛ akantalea ar aleakʼ ashõ bạnukʼtalea; ale dole gocʼakana.’

Sereńko 83:5

Onko doko mitʼakana arko soṛojontro kana; ar am upạrte bondobosko bandhaoetʼ kana

Jirimiạ 31:36

uni doe meneda, “Noa reakʼ niạmko ińakʼ mẽtʼãhã samaṅ khon sakʼ khan, Israelko hõ jạtrenko lekate iń samaṅ khonko marao utạrokʼa.