Jirimiạ 33:22 - সান্তালী বাইবেল

²² Ińren guti Dạudren hoponko ar okoe Liwiko do iń samaṅre teṅgokate sekʼwa reakʼko kạmikan onko do sermaren ipil lekako saṅgekʼa, ar ohogeko lekha caba daṛelena.”

Jirimiạ 33:22 Referans Kwoze

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Ibriko 11:12

Onate umer secʼte gocʼ barag hoṛmo hoekatere hõ Abraham do sermaren ipil leka ar jalapuri aṛe reakʼ gitil leka ạḍi utạr gidrạkoren apate hoylena.

Genesis 15:5

Tayomte Probhu Isor do Abram bahrete idikedeteye metadea, “Serma secʼ beṅged me arem daṛeakʼ khan ipilko lekhakom. Am bõsren hoṛ do onko ipil leka alekhako hoyokʼa.”

Jirimiạ 31:37

Coṭ serma reakʼakʼko soṅlen khan ar latarre dhạrti reakʼ rehetʼ sendra ńamlen khan enḍekhan Israelko okako cekakan onate onko do bạń bạsutakoa. Iń Probhu Isorge noa katha doń meneda.”

Jesaea 66:21

Onko mod khon adom liwiko do naeke ar sapʼsosorko hoyokʼ lạgitʼ iń bachaokoa.”

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Sereńko 89:29

Iń do uniren bõsko jaejug hạbicʼ iń doho idikoa; tinạkʼ din serma tahena unạkʼ din uniyakʼ siṅghạson hõ tahena.

Sereńko 22:30

Darakan bõsrenko do uni ṭhenko khaṭaokʼa, ar ona jugren hoṛko ṭhen Probhu reaṅko lại akoa.

Genesis 28:14

Amren bõsko do dhạrtiren gitil lekako saṅgekʼa. Onko do purub-pạchim ar utạr-dạkhin secʼko pasnao idikʼa. Ar dhạrtiren sanam jạtrenko do am ar amren bõsko hotete bhorko ńama.

Genesis 13:16

Iń do amren bõsko gitil lekań saṅgekoa. Dhạrti reakʼ gitil jodi jãhãeko lekha daṛeakʼ khan enḍekhan am bõsren hoṛ hõko lekha caba daṛeakoa.

Jesaea 48:19

Ona chaḍa aperen bõsko do gitil lekako hoyokʼa ar aperen gidrạko do lemeń gitil leka alekhako hoyokʼa. Onkoakʼ ńutum do iń samaṅ khon tishõ baṅ getʼ giḍikʼtakoa se tis hõ baṅ mohor meṭaokʼa.”

Jirimiạ 30:19

Ar ona khon do rạskạ reakʼ aṛaṅ ar sarhao reakʼ sereńge ańjomokʼa. Onkoakʼ lekha doń baṛhaotakoa, onko do bako komaokʼa. Onko doń manotkoa, onko do okoege bako nihạ̃t ocokʼa.

Jirimiạ 33:18

Iń samaṅre teṅgokate jaoge jeredokʼ samaṅokʼakʼ lạgitʼ, jomakʼ samaṅokʼakʼ lạgitʼ ar janwar samaṅokʼakʼ lạgitʼ Liwi naekeko modre hõ bako khạntikʼa.”

Jirimiạ 33:23

Ona tayom Probhu Isor do Jirimiạ arhõe metadea,

Jeheskel 37:10

Ona iạte uniyakʼ hukum lekage iń do nạbi kathań roṛkeda ar unre onkore sahẽtʼ boloyena; ar onko doko jiwetʼena ar jaṅgateko teṅgoyena. Onko do mitʼṭecʼ maraṅ okocʼ lạṛhại phạdko tahẽkana.

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Sakariạ 10:8

Iń do gol golteń hohoea ar mitʼ domteń jarwakoa. Onko doń chaḍaokoa ar lahate leka lekhare ḍherko hoyokʼa.